ގޭސް ލިބުމުގައި ދިމާވި ދަތިތައް ހައްލުކޮށް 10 ކިލޯގެ ގޭސްފުޅި މޯލްޑިވް ގޭހުން އަލުން ވިއްކަން ފަށައިފި އެވެ.
މޯލްޑިވް ގޭހުން ބުނި ގޮތުގައި، ދުނިޔޭގެ ބާޒާރަށް ދިމާވި މި ދަތިތަކާ ގުޅިގެން ރައްޔިތުންނަށް މެދުނުކެނޑި ހިދުމަތް ފޯރުކޮށްދިނުމަށްޓަކައި މީގެ ކުރިން ކޮންޓްރޯލް ކޮށްގެން ގޭސް ވިއްކި ނަމަވެސް، ގޭހުގެ އައު ޝިޕްމަންޓެއް މިހާރު ލިބިފައިވުމާއެކު ކުރިން ދިމާވި ދަތިތަކަށް ހައްލެއް ލިބިފައިވާ ކަމަށެވެ.
"ގޭހުގެ އައު ޝިޕްމަންޓް ލިބި ދިމާވި ގޭހުގެ ދަތިކަން މިހާރު ވަނީ ހައްލުކުރެވިފައި،" މޯލްޑިވް ގޭހުން ބުންޏެވެ.
މި ބަދަލާއެކު، މިއަދުން ފެށިގެން މޯލްޑިވް ގޭހުގެ ކަސްޓަމަރުންނަށް 10 ކިލޯގެ ގޭސް ފުޅި އެއްވެސް ދަތިކަމެއް ނެތި ލިބޭނެ އިންތިޒާމު ވަނީ ހަމަޖައްސާފަ އެވެ.