ކުދި އަދި މެދުފަންތީގެ ވިޔަފާރިތަކަށް އެހީތެރިވުމަށް ހާއްސަ، އެސްއެމްއީ ޑިޖިޓަލްގެ ބޯޑަށް އާންމު މެމްބަރުން އައްޔަން ކުރުމަށް އިއުލާންކޮށްފި އެވެ.
އެ ކުންފުނީގެ ބޯޑަށް މިނިވަން 3 ޑިރެކްޓަރުން އައްޔަންކުރުމަށްޓަކައި، އެކަމަށް ޝަރުތު ހަމަވާ ތަޖުރިބާކާރު ފަރާތްތަކަށް ކުރިމަތިލުމުގެ ފުރުސަތު އަންނަ މަހުގެ 5 ވަނަ ދުވަހުގެ ހެނދުނު 10:00 އާ ހަމައަށް ވަނީ ހުޅުވާލައިފަ އެވެ.
އެސްއެމްއީ ޑިޖިޓަލް ބުނީ މިނިވަން ޑިރެކްޓަރުންނަށް ކުރިމަތިލެވޭނީ އުމުރުން 30-70 އަހަރާ ދެމެދުގެ މީހުންނަށް ކަމަށެވެ.
އެސްއެމްއީ ޑިޖިޓަލް އަކީ ބޭންކް އޮފް މޯލްޑިވްސް ބީއެމްއެލް ގެ ސަބްސިޑަރީއެެއްގެ ގޮތުގައި ކުރިން އެސްއެމްއީ ޑިވެލޮޕްމެންޓް ފައިނޭންސް ކޯޕަރޭޝަން ނަމުގައި ކުންފުންޏެވެ. އެ ކުންފުނި ރީބްރޭންޑްކުރީ ގައުމީ ބޭންކް ޑިޖިޓަލައިޒް ކުރުމަށް ފަހު އެވެ.