ޕީޕީއެމްގެ ޕާލިމެންޓްރީ ގްރޫޕްގެ ލީޑަރު ނިހާން ހަސަން މަނިކު، އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް (ރޮޒޭ) ގެ މޫނަށް ނިހާނުގެ އަނގަ ދޮވި ފެން ޖެހުމަކީ ފިނޑި އަމަލެއް ކަމަށާއި، ރޮޒެއިނާއަށް އިންސާފު ލިބެން ޖެހޭނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
MP @Roxeyna ge moonah, Nihan aga dhovunu fen buruvumakee naathahuzeeb, dhashu dharajaige, findi amaleh. Rozeyna ah insaaf liben jehey.
— Mohamed Nasheed (@MohamedNasheed) February 24, 2016
މިއަދުގެ މަޖްލިސް ޖަލްސާގައި ނިހާން ވާހަކަ ދައްކަވަމުން ދަނިކޮށް ނިހާންގެ މޭޒު ކުރިމައްޗަށް ރޮޒޭ ހުއްޓުމާއި އެކު ނިހާން ވަނީ ކުރިމަތީގައި ހުރި ފެންތަށިން ކޯވަރެއް ބެއްލެވުމަށްފަހު "ކޯ ދޮވެފައި" އެ ފެން ރޮޒޭގެ މޫނަށް ޖަހާފައެވެ.
އޭގެ ފަހުން ނިހާން ވަނީ އެއީ "ކޮށިއަރައިގެން" ވީކަމެއް ކަމަށް ވިދާޅުވެ ޓްވީޓް ކުރައްވާފައެވެ.
މިއަދުގެ ޖަލްސާގައި ރޮޒޭ އާއި ނިހާނު އާއި ދެމެދު ވަނީ ބަހުގެ ހޫނު ހަމަލާތައް ބަދަލުވެފައެވެ.
ނިހާންއަކީ އެމްއެމްޕީއާރްސީން ގެއްލުނު 1.2 ބިލިއަން ރުފިޔާގެ ހިޔާނާތުގައި ބައިވެރިވެފައިވާ ފަރާތެއްކަމަށް އެމްޑީޕީ އާއި ދިވެހި ގިނަ ރައްޔިތުން ދަނީ ބުނަމުންނެވެ.