އައްޑޫ މަރަދޫން ވަގަށް ނެގި ބައިސްކަލެއްގެ ވެރިފަރާތް ހޯދަން ފުލުހުން އިއުލާންކޮށްފި އެވެ.
ގަން ޕޮލިސް ސްޓޭޝަނުން މިއަދު ބުނީ އެ ބައިސްކަލް މިހާރު ހުރީ އެތަނުގެ ބެލުމުގެ ދަށުގައި ކަމަށެވެ. އެހެންވެ އޭގެ ވެރިފަރާތުން ގަން ޕޮލިސްގެ ނަމްބަރު 9792058 އަށް ގުޅައި ބައިސްކަލު ގެންދަން އެދިފައިވެ އެވެ.
ދާދި ފަހުން ވެސް ވަގަށް ނެގި ދެ ބައިސްކަލެއް ގަން ޕޮލިސް ސްޓޭޝަންގެ ބެލުމުގެ ދަށަށް ގެންގޮސްފައިވެ އެވެ.