ޗައިނާގެ އެހީގައި މާލޭގައި 500 ސޯޝަލް ހައުސިން ޔުނިޓް އަޅަން އެއްބަސްވުމެއް ހަދައިފި އެވެ.
މި އެެއްބަސްވުން ހަދާފައި ވަނީ ބެއިޖިންގައި ކުރިއަށް ދިޔަ "ހައި ލެވެލް ކޮންފަރެންސް އޮން ގްލޯބަލް އެކްޝަން ފޯ ޝެއާޑް ޑިވެލޮޕްމަންޓް" ގެ ހަވާސާގެ މަޝްވަރާތަކުގެ "މިނިޓްސް އޮފް ދަ މީޓިން" ގަ އެވެ.
މި މަހުގެ 21-22 އަށް ކުރިއަށް ގެންދިޔަ ބައްދަލުވުމުގެ ތެރެއިން ވަނީ ޗައިނާގެ އެހީގައި މާލޭގައި 500 ސޯޝަލް ހައުސިން ޔުނިޓު ހެދުމާ ފުޅާ ދާއިރާއެއްގައި މަޝްވަރާކޮށްފަ އެވެ. އެގޮތުން އެ މަޝްވަރާތަކުގެ އަލީގައި މަޝްރޫއެއް ކުރިއަށް ގެންދިއުމަށްޓަކައި ސޮއިކޮށްފައިވެ އެވެ.
During the Third High-Level Conference on Global Action for Shared Development, held in Beijing from 21–22 April 2026, the Government of the Maldives, on the sidelines of the conference, signed the minutes of a meeting with the Government of the People’s Republic of China for the… pic.twitter.com/eAGiGNSd2w
— Ministry of Infrastructure, Housing and Urban Dev. (@MIHUDmv) April 25, 2026
އެެއްބަސްވުމުގައި ހައުސިން މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އިބްރާހީމް ޠޮއާމެވެ. ޗައިނާ ސަރުކާރުގެ ފަރާތުން ސޮއިކުރެއްވީ ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އޭޖެންސީގެ ޗެއާމަން ލިޔު ޖުންފެންގް އެވެ.
މިކަމާ ގުޅޭ ގޮތުން ހައުސިން މިނިސްޓްރީން ބުނީ މި މަޝްރޫއު ކުރިއަށް ގެންދަން ފައިނޭންސް ހަމަޖެއްސުމަށް ޗައިނާއިން އެއްބަސްވީ އިންޓްރެސްޓަކާ ވެސް ނުލައި ދޭ އެހީގައި ކަމަށެވެ.
ޗައިނާ އަކީ ރާއްޖެ އަށް އެކި ގޮތްގޮތުން އެންމެ ބޮޑަށް އެހީވަމުން އަންނަ އެއް ގައުމެވެ.