ރައީސް ޑރ. މުހައްމަދު މުއިއްޒު ހިލޭ އަންހެނަކާ އެކު ކައިވެނިން ބޭރުން ގުޅުން ހިންގެވި ކަމަށް ތުހުމަތުކޮށް 'އަދަދު' ނޫހުން ގެނެސްދިން ޑޮކިއުމަންޓަރީގެ މައްސަލަ އަކީ ފުލުހުން ތަހުގީގު ކުރަން ޖެހޭ މައްސަލައެއް ކަމަށް ހޯމްލޭންޑް މިނިސްޓަރު އަލީ އިހްސާން ވިދާޅުވެއްޖެ އެވެ.
އެ ނޫސް ހިންގާ އޮފީސް ރޭ ރެއިޑްކޮށް، ނޫހުގެ ބައެއް ވެރިންގެ ޕާސްޕޯޓް ވެސް މިހާރު ހިފަހައްޓާފައިވާ އިރު، މިނިސްޓަރު ސޯޝަލް މީޑިއާ ޕޯސްޓެއްގައި މިއަދު ވިދާޅުވީ ނޫސްވެރިކަމުގެ މިނިވަންކަން ރާއްޖޭގައި ކަށަވަރުކޮށް ދީފައިވީ ނަމަވެސް، އެއީ ދޮގު މަޢުލޫމާތު ފަތުރައިގެން މީހުންގެ އަބުރު ކަތިލުމަށް ދީފައިވާ ހުއްދައެއް ނޫން ކަމަށެވެ.
Maldives Police are right to investigate & raid the news outlet over false “Zina” allegations against the President. Press freedom is guaranteed, but not a free pass to destroy reputations with lies. Constitution of Maldives:
• Art 27: Freedom of expression (not contrary to…— Minister of Homeland Security, Labour & Technology (@min_mohst) April 28, 2026
އިހްސާން ވިދާޅުވި އަދަދު ނޫހުގެ މައްދަލަ ފުލުހުން މި މައްސަލަ ތަޙުޤީޤު ކުރަމުން އަންނަނީ ޤާނޫނުގެ އިސްތިިޤްލާލު ދެމެހެއްޓުމަށާއި، ރައީސުލްޖުމްހޫރިއްޔާގެ ޤާނޫނުއަސާސީީ ޙައްޤުތައް ހިމާޔަތްކުރުމަށް ކަމަށެވެ.
އޭނަ ވިދާޅުވީ މިނިވަންކަމާއެކު ޒިންމާދާރުކަން އޮންނަން ވާނެ ކަމަށާއި ޖަވާބުދާރީވުމެއް ނެތް މިނިވަންކަމެއް ނޯންނާނެ ކަމަށެބެ.
"ޤާނޫނަށް ވުރެ މަތީގައި އެއްވެސް މީހަކަށް ނުހުރެވޭނެ." އިޙްސާން ވިދާޅުވި އެވެ.