ރައްޔިތުންގެ މަޖިލިސްގެ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް (ރޮޒޭ) އާއި އޭނާގެ އާއިލާއަށް ހަމަލާ ދިނުމަށް ވިލިމާފަންނު ދާއިރާގެ މެމްބަރު އަދި ޕީޕީއެމް ޕާލިމެންޓްރީ ގްރޫޕްގެ ރައިސް އަހްމަދު ނިހާން ހަސަން މަނިކު މަސައްކަތް ކުރައްވަމުންދާ ކަމަށް ރޮޒޭ ވިދާޅުވެއްޖެއެވެ.
Have received information that MP @ahmed_nihan is trying 2hire someone 2attack me & my family. Apparently spitting on my face wasn't enough!
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) March 10, 2016
ރޮޒޭ ރޭ ކުރެއްވި ޓްވީޓެއްގައި ވިދާޅުވީ ނިހާން ބަޔަކަށް ފައިސާ ދީގެން އޭނާ އަށާއި އާއިލާގެ މެމްބަރުންނަށް ހަމަލާ ދިނުމަށް ރާވަމުންދާ ކަމުގެ މައުލޫމާތު ލިބުމާއި ގުޅިގެން މަޖްލިސްގެ ސެކިއުރިޓީއަށް އެދިފައިވާ ކަމަށެވެ.
ރޮޒޭ މިފަދަ ގޮތަކަށް ވިދާޅުވެފައިވާ އިރު މަޖްލިސް ތަޅުމުގައި ނިހާން ވަނީ ރޮޒޭގެ މޫނަށް "އަނގަ ދޮވުނު ފެން" ޖަހާފައެވެ.
I've alerted Majlis MNDF security abt the info I got & have requested for security as well.
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) March 10, 2016
މި މައްސަލަ އާއި ގުޅިގެން ނިހާންގެ މެޑިކަލް ރިޕޯޓް ހޯދުމަށް ކޯޓަށް ވަޑައިގަންނަވަން މަސައްކަތް ކުރައްވަމުން ދަނިކޮށް، ނިހާން ވަނީ ޓީބީ އާއި އެހެނިހެން ބަލިތަކުގެ ޓެސްޓް ހެދުމަށްފަހު އެރިޕޯޓް ސޯޝަލް މީޑިއާގައި ހިއްސާ ކުރައްވާފައެވެ.