ހުޅުމާލެ އިން ގެއްލިގެން ހޯދަމުންދިޔަ 15 އަހަރުގެ އަންހެން ކުއްޖާ ފެނިއްޖެ އެވެ.
ފުލުހުން މިއަދު ބުނީ ހުޅުމާލެ ފޭސް ދޭކުން ގެއްލިގެން ހޯދަމުން ގޮސްފައިވަނީ ހމ. ފްލެޓްނަންބަރު 05-3-2/ މާލެ، ޢާއިޝަތު އަލްޔާ ޢަލީ ކަމަށެވެ.
އަލްޔާގެ ހާލު ރަނގަޅު ކަމަށް ބުނުން ފިޔަވައި "ގެއްލުނު" ސަބަބާ ގުޅޭ އެއްވެސް މައުލޫމާތެއް ފުލުހުން މީޑިއާއާ ހިއްސާއެއް ނުކުރެ އެވެ.
އާއިލާއިން ފުލުހުންނަށް މައުލޫމާތު ދީފައިވާ ގޮތުގައި އެ ކުއްޖާ މިހާރު ދިރިއުޅެނީ ހިޔާ ޓަވަރު 16 ގަ އެވެ.
އަލްޔާ ހޯދުމުގެ މަސައްކަތް ފެށީ އިއްޔެ ހަވީރު 4:15 ހާއިރު ގެއިން ދިޔަ ގޮތަށް ހަބަރެއް ނުވެގެން އާއިލާގެ ފަރާތުން ފުލުހުންނަށް އެ ރޭ ދަންވަރު ރިޕޯޓުކުރުމާ ގުޅިގެންނެވެ.