އިންޑިއާގެ ޕަޓްނާގެ ދަނާޕޫރްގައި ބެހެއްޓި ސްޓޭޓް ބޭންކް އޮފް އިންޑިއާ (އެސްބީއައި) ގެ އޭޓީއެމެއް ހުރި ތަނެއްގައި ބޯކޮށާ ތަނެއް ހިންގާ މަންޒަރާ އެކު ގިނަ ބައެެއްގެ ސަމާލުކަން ހުއްޓިއްޖެ އެވެ.
މިޑިއާތަކުން ބުނި ގޮތުގައި އެތަނުގައި މިހާރު ބޯކޮށުމުގެ ހިދުމަތް ދެމުން އަންނަނީ ބެހެއްޓީ މެޝިން ނެގުމާ ގުޅިގެންނެވެ. މެޝިން ނެގި ނަމަވެސް އެ ތަނުގައި އަދިވެސް ހުރީ އެސްބީއައިގެ ނަން ބޯޑެވެ.
ATM में कैश की जगह सैलून, लोगों को कर रहा है हैरान
पटना के दानापुर में एक अनोखा ‘एटीएम’ लोगों के बीच चर्चा का विषय बना हुआ है, बाहर SBI का बोर्ड और पूरा एटीएम सेटअप जस का तस है, लेकिन अंदर पैसे निकालने की मशीन नहीं बल्कि हेयर कटिंग सैलून चल रहा है, पहले यहां बैंक का एटीएम था,… pic.twitter.com/iIbxY14oBE
— NDTV India (@ndtvindia) May 11, 2026
އެ ސަރަހައްދުގެ ބައެއް މީހުން ބުނެފައިވާ ގޮތުގައި އެ އޭޓިއެމަކީ ކުރިން ގިނަ ބަޔަކު ގަވައިދުން ބޭނުން ކުރަމުން އައި ތަނެކެވެ. ނަމަވެސް އެތަނުން މެޝިން ނެގުމުން ސެލޫން ހިންގާ ބަޔަކަށް އޭޓީއެމް ބެހެއްޓި ތަންކޮޅު އެތަނުގެ ވެރިފަރާތުން ކުއްޔަށް ދިނުމާ ގުޅިގެން ބޯކޮށާ ތަނެއް ހިންގަނީ އެވެ.
What’s wrong with ATM- AnyTime Makeover
— Dileep (@OrderFlowtalks) May 11, 2026
އެކަމަކު އެތަނުގެ ބޭރުގައި އަދިވެސް އެސްބީއައިގެ އޭޓީއެމްގެ ނަން އިންނާތީ ބައެއް މީހުން އޭޓީއެމެއް ހީކޮށް އަދިވެސް ފައިސާ ނަގަން ދެ އެވެ.
މިކަން ގިނަ ބައެއްގެ ސަމާލު ކަމަށްއައިސް އެތަނުގެ ވީޑިއޯތައް ނަގައި، ސޯޝަލް މީޑިއާގައި އެކި ކަހަލަ ކޮމެންޓްތައްކޮށް އަންނަނީ ޖޯކް ޖަހަމުންނެވެ.