ރާއްޖެ އާއި ސަޢުދި އަރަބިއްޔާގެ ގުޅުން އިތުރަށް ބަދަހިކުރުމާ ގުޅޭ ގޮތުން މަޝްވަރާކޮށްފި އެވެ.
މި މަޝްވަރާތައް ކުރެވުނީ ރާއްޖޭގެ ފޮރިން މިނިސްޓަރު އިރުތިޝާމް އާދަމާއި ސަޢުދީގެ ފޮރިން މިނިސްޓަރު ޕްރިންސް ފައިސަލް ބިން ފަރުހާން އަލް ސަޢުދު ވަނީ ފޯނުން ގުޅުއްވަ އެވެ.
މި މަޝްވަރާއާ ގުޅޭ ގޮތުން ފޮރިން މިނިސްޓްރީން ބުނީ ދެ މިނިސްޓަރުންގެ މި ފޯނު ކޯލުގައި ދޭދޭ ގުޅުން މިހާރަށް ވުރެ ބޮޑަށް ބަދަހިކުރެވޭނެ ގޮތްތަކާ ގުޅޭ ގޮތުން ދެ ބޭފުޅުން ފުޅާ ދާއިރާއެއްގައި މަޝްވަރާކުރެއްވި ކަމަށެވެ.
Foreign Minister @IruthishamAdam held a courtesy phone call with Foreign Minister of the Kingdom of Saudi Arabia @FaisalbinFarhan pic.twitter.com/0koZsB20X0
— Ministry of Foreign Affairs 🇲🇻 (@MoFAmv) May 17, 2026
އެގޮތުން ރާއްޖޭގެ ތަރައްގީގައި ސައުދީގެ ހިއްސާ މިނިސްޓަރު އިރްތިޝާމް ފާހަގަ ކުރައްވައި މިދިޔަ އަހަރާއި މި އަހަރު ވެސް މައްކާ ރޫޓު އިނިޝިއޭޓިވްގައި ރާއްޖެ ހިމަނައި ޙައްޖާޖީންނަށް ފޯރުކޮށް ދެމުން އަންނަ ޚިދުމަތްތަކަށާއި އެ ޤައުމުން ދިވެހި ވަފުދުތަކަށް އަދާކުރައްވާ މެހްމާންދާރީ އަށް ޝުކުރު އަދާކުރައްވާފައިވެ އެވެ.
މީގެ އިތުރުން މަޝްވަރާތަކުގައި ސަރަހައްދީ ތަރައްގީގެ ދާއިރާތަކަށް ވެސް ދެ މިނިސްޓަރުން އަލިއަޅުއްވާލައްވައި، ގުޅިގެން ކުރެވޭ މަޝްވަރާތަކުން ސަރަހައްދީ ހަމަޖެހުމާއި ރައްކާތެރިކަން ގާއިމު ކުރުމަށް ރާއްޖޭން އަބަދުވެސް ތާޢީދު އޮންނާނެކަމުގެ ޔަގީންކަން މިނިސްޓަރު އިރުތިޝާމް ދެއްވާފައިވެ އެވެ.