ރާއްޖޭގައި ހުންނަ ސްރީ ލަންކާގެ އެމްބަސީން އިންތިޒާމުކޮށްގެން ލޭ ހަދިޔާ ކުރުމުގެ ކޭމްޕެއް ކުރިއަށް ގެންދަން ނިންމައިފި އެވެ.
މި ކޭމްޕް އޮންނާނީ އަންނަ މަހުގެ 5 ގަ އެވެ.
ލަންކާ ހައި ކޮމިޝަނުން ބުނީ ލޭ ހަދިޔާ ކުރުމުގެ މި ހާއްސަ ކޭމްޕަކީ ރާއްޖޭގައި ދިރިއުޅޭ ލަންކާގެ ރައްޔިތުންގެ ފަރާތުން ދިވެހި ރައްޔިތުންނަށް އޮތް ގާތްކަމާއި އެކުވެރިކަން ހާމަކުރުމުގެ މަޤުސަދުގައި ކުރިޔަށް ގެންދަން ނިންމި ހަރަކާތެއް ކަމަށެވެ.
ލޭ ހަދިޔާ ކުރުމުގެ ކޭމްޕް ބާއްްވަނީ މޯލްޑިވްސް ބްލަޑް ސާވިސަސް އާއި ސްޓެލްކޯއާ ގުޅިގެންނެވެ.
We invite all Sri Lankans living in the Maldives
to participate in this meritorious endeavour and show your solidarity and friendship towards the people of the Maldives! 🇱🇰🤝🇲🇻
Register 👉 https://t.co/rQiI7hn2j6 See less See less pic.twitter.com/U3BeQuZ6Nq— Sri Lanka in Maldives (@SLinMaldives) May 17, 2026
ހައި ކޮމިޝަނުން ބުނީ އަންނަ މަހުގެ 5 ގައި ކޭމްޕް ކުރިއަށް ގެންދާނީ ސްޓެލްކޯ ހެޑް އޮފީހުގެ 5 ވަނަ ފަންގިފިލާގެ އޮޑިޓޯރިއަމްގައި ކަމަށެވެ. އެގޮތުން ލޭ ހަދިޔާ ކުރުން ކުރިއަށް ގެންދާނީ އެ ދުވަހުގެ މެންދުރު ފަހު 2:00 އިން ހަވީރު 6:00 އަށެވެ.
ލަންކާގެ ހައި ކޮމިޝަނުން ވަނީ މާލެ ސަރަހައްދުގައި ދިރިއުޅޭ ވީހާ ވެސް ގިނަ ލަންކާ ރައްޔިތުން ކޭމްޕުގައި ބައިވެރިވުމަށް އެދިފަ އެވެ. ކޭމްޕްގައި ބައިވެރިވާން ބޭނުންވާ ފަރާތްތަކުން ރަޖިސްޓްރީ ކުރުމަށްޓަކައި ހައި ކޮމިޝަނުން ވަނީ ސޯޝަލް މީޑިއާގައި އާންމުކޮށްފައިވާ ޕޯސްޓުގައިވާ ކިއުއާރު ކޯޑު ނުވަތަ ލިންކު މެދުވެރިކޮށް ރަޖިސްޓްރީ ކުރެވޭނެ އެވެ.
އަބަދު ވެސް ގާތް ގުޅުމެއް އޮންނަ ރާއްޖެ އާއި ލަންކާގެ ޚާރިޖީ ގުޅުމަށް މިއަހަރު 61 އަހަރު ފުރޭނެ އެވެ.
ރާއްޖޭގައި މި ފަހުން ލޭ ލިބުން ދަތިވެފައިވާ އިރު، މި ފަހުން ބައެއް ކުންފުނިތަކުން ވެސް އިންތިޒާމުކޮށްގެން ލޭ ހަދިޔާ ކުރުމުގެ ކޭމްޕްތަކެއް ބާއްވާފައިވެ އެވެ. އަދި ރާއްޖޭގައި ހުންނަ އިންޑިއާ އެމްބަސީން ވެސް ލޭ ހަދިޔާ ކުރުމުގެ ކޭމްޕެއް ބާއްވާފައިވެ އެވެ.