މި މަހުގެ 25 ވަނަ ދުވަހުން ފެށިގެން ސްރީލަންކާއަށް ދަތުރުކުރާ މީހުން އިލެކްޓްރޯނިކް ޓްރެވަލް އޮތަރައިޒޭޝަން (އީޓީއޭ) ފުރަންޖެހޭނެ ކަމަށް އެ ގައުމުން ބުނެފި އެވެ.
ރާއްޖޭގައި ހުންނަ ލަންކާ ހައި ކޮމިޝަނުން ބުނީ ޓޫރިޒަމްގެ ބޭނުމަށް އެގައުމަށް ޒިޔާރަތްކުރާ އެހެން ގައުމުތަކުގެ ރައްޔިތުން މިމަހުގެ 25 ވަނަ ދުވަހުން ފެށިގެން އީޓީއޭ ފުރަން ޖެހޭނެ ކަމަށެވެ.
ލަންކާއަށް ދަތުރަށް ފެށުމުގެ 24 ގަޑިއިރު ކުރިން ހޯދަންޖެހޭ މި ހުއްދައަށް އެދި ހުށަހަޅަންޖެހޭނީ eta.gov.lk ވެބްސައިޓުންނެވެ.
— Sri Lanka in Maldives (@SLinMaldives) May 21, 2026
އީޓީއޭ ފުރަންޖެހޭ ގޮތަށް ހަމަޖެއްސި ނަމަވެސް ދިވެހިންނަށް އިތުރު ޗާޖަކާއި ނުލައި 90 ދުވަހުގެ ޓޫރިސްޓް ވިސާ އީޓީއޭ ސިސްޓަމުން ލިބޭނެ ކަމަށް ލަންކާ ހައިކޮމިޝަނުން ބުނެފައިވެ އެވެ.