ޑްރޯނެއްގެ އެހީގައި މާފުށީ ޖަލަށް އެތެރެ ކުރަން އުޅުނު މަސްތުވާތަކެތި އަތުލައިގެންފި އެވެ.
ފުލުހުން ބުނީ އެ ތަކެތި އަތުލައިގަތީ މި މަހުގެ 24 ވަނަ ދުވަހުގެ ރޭ ދަންވަރު 12:45 އެހައިކަންހާއިރު ހިންގި އޮޕަރޭޝަންގައި ކަމަށެވެ.
އެ އޮޕަރޭޝަން ހިންގާފައިވަނީ މާފުށީ ޕްރިޒަން އާއި، މާފުށީ ޕޮލިސް ސްޓޭޝަން އަދި ކައުންޓަ-ނާކޮޓިކްސް އިންޓެލިޖެންސް ގުޅިގެންނެވެ.
މި އޮޕަރޭޝަނާ ގުޅިގެން އަދި އެއްވެސް މީހަކު ހައްޔަރުކޮށްފައެއް ނުވެ އެވެ. އޮޕަރޭޝަންގައި، މަސްތުވާތަކެތި ކަމަށް ބެލެވޭ އެއްޗެއް ހުރި ފަސް ރަބަރު ޕެކެޓް ހޯދާފައިވާ އިރު، އޭގެ ބަރުދަނަކީ 395.92 ގްރާމެވެ.