ރާއްޖެ ޓްރާންސްޕޯޓް ލިންކް (އާރްޓީއެލް) ފެރީގެ ހިދުމަތް މި މަހުގެ ތެރޭގައި މ. އަތޮޅުގައި ފަށަން ނިންމައިފި އެވެ.
މި ހިދުމަތް ދެމުން އަންނަ އެމްޓީސީސީން މިހާރު އަންނަނީ ދަތުރުތައް ފެށުމުގެ ކުރިން ވާން ޖެހޭ ތައްޔާރީތައްވަމުންނެވެ. އެގޮތުން އާރްޓީއެލް ފެރީގެ ހިދުމަތަށް ހޭލުންތެރިކުރުވުމަށް މ. އަތޮޅުގެ ރަށްތަކަށް ޒިޔާރަތްކޮށް، ޚިދުމަތާ ގުޅޭ މަޢުލޫމާތު ދިނުމުގެ ސެޝަންތައް އަންނަނީ ބާއްވަމުންނެވެ.
އެމްޓީސީސީން ބުނީ އެ އަތޮޅަށް ހިދުމަތް ފަށާނީ މި މަހުގެ ފަހުކޮޅު ކަމަށެވެ.
#Highlights of the RTL Ferry awareness session we held at M.Mulah. We would like to extend our gratitude to the Mulah Council, school and SOEs on the island for their help and cooperation with this session. #RTLFerry #ConnectingRaajje #RayyithungeKunfuni pic.twitter.com/Xzvl6GeQxu
— MTCC Plc (@MTCCPlc) June 2, 2026
ދެހާސް ބާވީހުގައި ތައާރަފުރި އާރްޓީއެލްގެ ދަށުން މިހާރު 15 އަތޮޅެއްގައި އަންނަނީ ފެރީގެ ހިދުމަތް ދެމުންނެވެ. އެ ހިދުމަތް މިހާރު ނުފެށި އޮތް އަތޮޅުތަކަކީ މ. އަތޮޅުގެ އިތުރުން އއ. އދ. ވ. އަދި ކ. އަތޮޅެވެ.
އެންމެ ފަހުން ފެެރީގެ ހިދުމަތް ފެށީ ލ. އަތޮޅުގަ އެވެ. އެއީ މާޗް މަހުގެ ތެރޭގަ އެވެ.
އާރްޓީއެލްގެ ދަށުން އާބާދީ ބޮޑެތި ބައެއް ސަރަހައްދުތަކަަށް އަންނަނީ ބަހުގެ ހިދުމަތް ވެސް ދެމުންނެވެ.