އިންޑިއާގެ ވެރިރަށް ނިއު ދިއްލީގެ ރެސްޓޯރަންޓެއްގައި މިއަދު ރޯވެ 21 މީހަކު މަރުވެއްޖެ އެވެ.
މީޑިއާތަކުން ބުނީ ދެކުނު ދިއްލީގެ މަލްވިއާ ނަގަރުގައި ހުންނަ ލެމަން ގްރީން ރެސްޓޯރަންޓްގައި މިއަދު ހެނދުނު ހިނގި ނުރައްކާތެެރި ހާދިސާއާ ގުޅިގެން ގިނަ ބަޔަކު ޒަހަމްވެފައިވާ އިރު، ރޯވި ރެސްޓޯރަންޓުން 40 މީހަކު ސަލާމަތްކޮށްފައިވާ ކަމަށެވެ.
މަންޒަރު ދުށް ބައެއް މީހުންނާ ހަވާލާދީ ބައެއް މީޑިއާތަކުން ބުނީ އުސް އިމާރާތެއްގައި ހިންގަމުން ދިޔަ ރެސްޓޯރަންޓްގައި ރޯވުމާ ގުޅިގެން ބައެއް މީހުން ސަލާމާތްވާން އިމާރާތުން މަތިން ފުންމާލާފައިވާ ކަމަށެވެ. އޭގެ ތެރޭގައި ދެ އަންހެނަކު ވެސް ހިމެނެ އެވެ.
ހާދިސާގައި ޒަހަމްވި މީހުންނަށް މިހާރު އަންނަނީ ހޮސްޕިޓަލްތަކުގައި ފަރުވާ ދެމުންނެވެ.
Delhi: A fire broke out at Lemon Green Restaurant in Malviya Nagar. Ten fire tenders and emergency vehicles were deployed. Three people were rescued from the basement and taken to the hospital. The fire has been brought under control pic.twitter.com/e1BJDZ4ZIN
— IANS (@ians_india) June 3, 2026
މި ހާދިސާގެ ރިޕޯޓް ހެނދުނު 9:00 އެހާކަށްހާ އިރު. ލިބުމާ ގުޅިގެން ދިއްލީގެ ފަޔާ ސާވިސް އިން އަލިފާން ނިއްވުމުގެ މަސައްކަތްކޮށްފައިވެ އެވެ. ރޯވި ތަނުން އަލިފާން މިހާރު ކޮންޓްރޯލް ކުރެވިފައިވާ އިރު، ތަނަށް ވަރަށް ބޮޑެތި ގެއްލުންތަކެއް ލިބިފައިވެ އެވެ.
މި ހާދިސާ ހިނގަން މެދުވެރިވި ސީދާ ސަބަބެއް އަދި ސާފެއް ނުވެ އެވެ. އެކަމަކު ރެސްޓޯރަންޓްގައި ރޯވީ ގޭސް ސިލިންޑަރެއް ގޮވައިގެން ކަމަށް ބެލެވޭ ކަމަށް ބައެއް މީޑިއާތަކުން ރިޕޯޓްކޮށްފައިވެ އެވެ.