ހުޅުމާލޭގެ ފޭސް އެކެއްގެ 141 ވަނަ ފްލެޓްގައި މިއަދު ފަތިހު އަލިފާނުގެ ހާދިސާއެއް ހިނގައި ބަޔަކަށް އަނިޔާވެއްޖެ އެވެ.
އެމްއެންޑީއެފަށް އެ ހާދިސާ ރިޕޯޓުކޮށްފައި ވަނީ ފަތިހު 4:32 އެހާކަށްހާ އިރު އެވެ. އެ ހާދިސާ ރިޕޯޓު ކުރުމާއެކު އަލިފާން ނިއްވާލުމަށް ހަރަކާތްތެރިވެފައިވާ ކަަމާއި މި ހާދިސާއާ ގުޅިގެން ދުމުގެ އަސަރުކުރި ހަ މީހަކު ހޮސްޕިޓަލަށް ގެންދިޔަ ކަމަށް އެމްއެންޑީއެފުން ބުންޏެވެ.
އަލިފާން އެއްކޮށް ނިއްވައި ލެވުނީ ފަތިހު 4:58 ހާއިރުއެވެ.
އޭގެ ތެރޭގައި 18 އަހަރު ނުފުރޭ ދެ ކުދިން ހިމެނެ އެވެ. ނަމަވެސް އެންމެގެ ހާލު ވެސް މިހާރު ރަނގަޅެވެ.
ނެޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނި ގޮތުގައި، ފްލެޓްގައި ރޯވި ހާދިސާއާ ގުޅިގެން އެ ތަނުގައި ދިރިއުޅެމުން ދިޔަ އާއިލާއަކަށް ބޮޑެތި ގެއްލުންތަކެއް ލިބިފައިވެ އެވެ.
އަލިފާނުގެ ހާދިސާގެ އަދާހަމަ:
ރޭ ހިނގި އަލިފާނުގެ ހާދިސާގައި 6 މީހަކަށް ދުމުގެ އަސަރުކޮށްގެން ހޮސްޕިޓަލަށް ގެންދެވިފައިވާކަމަށް ހާދިސާ ހިނގި ތަނުގައި ހަރަކާތްތެރިވެފައިވާ ސިފައިން މައުލޫމާތު ދެއްވާ. މި ހާދިސާއާއި ގުޅިގެން އެތަނުގައި ދިރިއުޅުނު އެއް އާއިލާ (6 މީހުން) އެހެން… pic.twitter.com/0IxGaZstMz
— NDMA Maldives (@NDMAmv) June 17, 2026
އެހެންވެ އެ ހަ މީހުން ހިމެނޭ އާއިލާ ވަގުތީ ގޮތުން އެހެން ތަނަކަށް ބަދަލުކުރުމުގެ މަސައްކަތް ކުރަމުން އަންނަ ކަމަށް ބުންޏެވެ. އަދި އެ އާއިލާއަށް ބޭނުންވާ ކާބޯތަކެއްޗާއި އެހެނިހެން އިންސާނީ އެހީތެރިކަން ފޯރުކޮށް ދިނުމުގެ މަސައްކަތް ވެސް ވެސް ކުރިއަށްދާ ކަމަށް އެންޑީއެމް އިން ބުންޏެވެ.
އެމްއެންޑީއެފުން ބުނެފައިވާގޮތުގައި، މި ހާދިސާ ހިނގީ ފްލެޓްގެ ގްރައުންޑް ފްލޯގެ ބަދިގޭގައި ބޭނުންކުރި ފެން ހޫނުކުރާ ޕޮޓެއްގައި ރޯވެގެންނެވެ.