ދުވެލި މަތަ ކުރުމުގެ ގޮތުން އައްޑޫގެ ތާރު އަޅައިގެން ހަދާފައިވާ ބޮޑެތި މަގުތަކުގައި ބަމްޕަރު އެޅުމުގެ މަސައްކަތުގެ ތެރެއިން މިއަދު މަރަދު އާއި މަރަދޫފޭދޫ ބޮޑު މަގުގައި ބަމްޕަރު އަޅައިފި އެވެ.
މި މަސައްކަތް ކުރަމުން އަންނަނީ މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) ގެ ފަރާތުންނެވެ.
މަރަދު އާއި މަރަދޫފޭދޫގެ މަސައްކަތް ނިންމާލުމަށް ފަހު ފޭދޫގައި ވެސް ބަމްޕަރު އަޅާނެ އެވެ.
ހިތަދޫ ބޮޑު މަގާއި އެ އަވަށު ލިންކް ރޯޑްގައި ވެސް މިހާރު ވަނީ ބަމްޕަރު އަޅައި ނިންމާފަ އެވެ.