އައްޑޫ މަރަދޫ ގެއެއްގައި ރޭ ވަރަށް ބޮޑަށް ރޯވެ އަނދައިފި އެވެ.
އެމްއެންޑީއެފުން ބުނިގޮތުގައި އަލިފާން ރޯވެފައިވަނީ އެ އަވަށު ޗަމަން ގޭގަ އެވެ.
މި ހާދިސާގެ މަޢުލޫމާތު ރޭ 8:06 ހާއިރު އެމްއެންޑީއެފް ސަދަން އޭރިއާ ކޮމާންޑަށް ލިބުމާ އެކު، ފަޔާ ސްޓޭޝަނުގެ ފަޔާފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށްފައިވާ ކަމަށް އެމްއެންޑީއެފުން ބުންޏެވެ. ފަޔަރފައިޓަރުން ކުރި މަސައްކަތުން އަލިފާންގަނޑު ނިއްވާލެވުނީ ރޭ 22:55 ހާއިރު ކަމަށް އެމްއެންޑީއެފުން މައުލޫމާތުދެ އެވެ.
މި ހާދިސާގައި އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައި ނުވާ ކަމަށްވެސް އެމްއެންޑީއެފުން ބުންޏެވެ.