ރާއްޖެ އިން ބޭރަށް ދަތުރުކުރާ ދިވެހީން ކުރާ ހޭދައާ ގުޅޭ ސާވޭއެއް ކުރިއަށް ގެންދަން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ތައްޔާރުވެއްހެ އެވެ.
މި ސާވޭ އަކީ ރާއްޖޭގެ ބެލެންސް އޮފް ޕޭމަންޓްސްއާ ގުޅޭ ތަފާސްހިސާބުތައް ތައްޔާރުކުރުމަށް ބޭނުންވާ މަޢުލޫމާތު ހޯދުމުގެ ގޮތުން، ރާއްޖެއިން ބޭރަށް ދަތުރުކޮށްފައި އަނބުރާ އަންނަ ދިވެހީންނަށް އަމާޒުކޮށްގެން ކޮންމެ އަހަރަކު ކުރިއަށް ގެންދާ ސާވޭއެކެވެ.
އެގޮތުން "ދިވެހީން ރާއްޖެއިން ބޭރުގައި ކުރާ ހޭދައާ ގުޅޭ ސާވޭ" ކުރިއަށް ދާނީ މި މަހުގެ 25-31 އަށް ވެލާނާ އިންޓަނޭޝަނަލް އެއާޕޯޓްގަ އެވެ.
The Maldives Monetary Authority will conduct the Maldivians Travelling Abroad Survey 2026 at Velana International Airport Arrival Hall from 25–31 July 2026.
The survey collects information on travel destinations, purpose of travel, expense arrangements, airfare expenditure, and… pic.twitter.com/s85SylNtjz
— MMA (@MMA_Maldives) July 16, 2026
މަރުކަޒީ ބޭންކުން ބުނީ ސާވޭގައި މައިގަނޑު ގޮތެއްގައި ނެގޭ މަޢުލޫމާތުތަކުގެ ތެރޭގައި ދަތުރުގެ މައިގަނޑު ބޭނުމާއި ދަތުރުކުރި ގައުމާއި ޓިކެޓުގެ ޚަރަދާއި ހުރުމުގެ ޚަރަދާ އބޭސް ފަރުވާއަށް ކުރެވުނު ޚަރަދުގެ އިތުރުން ޖުމްލަ ގޮތެއްގައި މުޅި ދަތުރަށް ކުރެވުނު ޚަރަދުގެ މަޢުލޫމާތު ހިމެނޭނެ ކަމަށެވެ.
ވަކިވަކި ފަރުދުންގެ ނަމާއި އެޑްރެސް ފަދަ އެއްވެސް މަޢުލޫމާތެއް މި ސާވޭގައި ބޭނުން ނުކުރާނެ ކަމަށާއި، އަދި، އެއްކުރެވޭ ހުރިހާ މަޢުލޫމާތެއްގެ ސިއްރު ހިފަހައްޓާނެކަމުގެ ޔަޤީންކަން ދޭ ކަމަށް އެމްއެމްއޭ އިން ބުންޏެވެ.