ދެ ފަރާތަށް އުޅަނދުތައް ކައިރި ކުރެވޭ ގޮތަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ކުރިމަތީ ފަޅުގައި ތިން ފާލަން ހަދައި މާލޭގެ ރިންގްރޯޑްގެ ބާކީ މަސައްކަތްތަކާ އެކު ހުރިހާ މަސައްކަތްތަކެއް ނޮވެމްބަރު މަހުގެ ނިޔަލަށް ނިންމާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ސޯޝަލް މީޑިއާ ޕޯސްޓެއްގައި އެ މަނިކުފާނު ވަނީ ބޭރު މަގު ހަދާ ނިމޭއިރުގެ ޑިޒައިންތައް ފެންނަ ކުރެހުންތަކާއި އެނިމޭޓެޑް ވީޑިއޯއެއް ވެސް ހިއްސާ ކުރައްވައިފަ އެވެ.
Some of the works included in the next phase of development of Male north side Boduthakurufaanu Magu and harbour area development plan: these works and the remainder of the Ring Road (from MPL area upto Tsunami Binaa Maizaan) will be completed before end of November 2026 in sha… pic.twitter.com/Kh5Ly8ECm6
— Dr Mohamed Muizzu (@MMuizzu) July 25, 2026
އެ ޕޯސްޓްގައި ރައީސް ވިދާޅުވީ އެ ޑިޒައިންތަކަކީ ބޮޑުތަކުރުފާނުމަގު ތަރައްގީ ކުރުމާއި އެސަރަހައްދުގެ ބަނދަރުތަރައްގީ ކުރުމުގެ އިތުރު ފޭސްތައް ކަމަށެވެ. އެގޮތުން އެ ހުރިހާ މަސައްކަތްތަކާއި އެމްޕީއެލް ސަރަހައްދުން ފެށިގެން ގޮސް ސުނާމީ ބިނާއާ ހަމައަށް ބޭރުމަގު އަންނަ ނޮވެމްބަރު މަހުގެ ނިޔަލަށް ހަދައި ނިމޭނެ ކަމަށް ވިދާޅުވި އެވެ.
މީގެ އިތުރުން މަސްވެރިން ޕާކުން ފެށިގެން ފޮރިން މިނިސްޓްރީއާ ހަމައަށް އޮންނަ ސަރަހައްދުގައި ވެސް ތިން ފާލަން ގާއިމް ކުރަން ނިންމާފައިވެ ފައެވެ. އެއީ ވެސް ދެ ފަރާތުގައި އުޅަނދު އެޅޭ ގޮތަށް ހަދާ އެ ފާލަންތެކެކެވެ.