ދިވެހިން ރާއްޖެ އިން ބޭރަށްދާ ދަތުރުތަކުގައި ކުރާ ހޭދަ ބަލަން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ކުރިއަށް ގެންދާ ސާވޭ މިއަދު ފަށައިފި އެވެ.
މި ސާވޭ މި މަހުގެ 31 އާ ހަމައަށް ކުރިއަށް ދާނީ ވެލާނާ އިންޓަނޭޝަނަލް އެއާޕޯޓްގަ އެވެ.
ސާވޭގައި މައިގަނޑު ގޮތެއްގައި އެއްކުރާނީ ދަތުރުކުރި މަންޒިލްތަކާއި ދަތުރުގެ ބޭނުމާއި ހަރަދުތައް ހަމަޖައްސާފައިވާ ގޮތުގެ އިތުރުން ވައިގެ ދަތުރުފަތުރަށާއި ދަތުރުގެ ތެރޭގައި ހިނގި އެހެނިހެން ހަރަދުތަކާ ގުޅޭ މައުލޫމާތެވެ. ސާވޭގައި ކުރެވޭ ސުވާލުތަކުގެ ތެރޭގައި ރާއްޖެއިން ބޭރަށް ދިޔަ ސަބަބާއި ދަތުރުކުރި ގައުމާއި އެ ދަތުރަށް ޓިކެޓަށް ހޭދަކުރި ވަރާއި ބޭރުގައި ހުރުމާއި ކެއުމަށް ހަރަދުކުރި ވަރުގެ އިތުރުން ދަތުރުގައި ދެން ކުރި އެހެން ހަރަދުތައް ވެސް ހިމެނެ އެވެ.
The Maldives Monetary Authority has commenced the Maldivians Travelling Abroad Survey 2026 at Velana International Airport Arrival Hall. The survey will be conducted from 25–31 July 2026.
The survey collects information on travel destinations, purpose of travel, expense… pic.twitter.com/Sgh2u0AUqn
— MMA (@MMA_Maldives) July 25, 2026
މި ސާވޭ އަކީ ރާއްޖޭގެ ބެލެންސް އޮފް ޕޭމަންޓްސްއާ ގުޅޭ ތަފާސްހިސާބުތައް ތައްޔާރުކުރުމަށް ބޭނުންވާ މަޢުލޫމާތު ހޯދުމުގެ ގޮތުން، ރާއްޖެއިން ބޭރަށް ދަތުރުކޮށްފައި އަނބުރާ އަންނަ ދިވެހީންނަށް އަމާޒުކޮށްގެން ކުރިއަށް ގެންދާ ސާވޭއެއް ކަމަށް މަރުކަޒީ ބޭންކުން ބުންޏެވެ.
އެތަނުން ބުނީ ވަކިވަކި ފަރުދުންގެ ނަމާއި އެޑްރެސް ފަދަ އެއްވެސް މަޢުލޫމާތެއް ސާވޭގައި ބޭނުން ނުކުރާނެ ކަމަށާއި، އަދި، އެއްކުރެވޭ ހުރިހާ މަޢުލޫމާތެއްގެ ސިއްރު ވެސް ހިފަހައްޓާނެ ކަމަށެވެ.
މީގެ ކުރިން ވެސް މި ސާވޭ ހަދާފައިވެ އެވެ.