މޫސުން ރަނގަޅު ނަމަ މި އަހަރުގެ ފިތުރު އީދު ނަމާދު މީދޫ ފުޓްބޯޅަ ދަނޑުގައި ބާއްވަން ނިންމައިފި އެވެ.
އީދު ނަމާދުގެ ބޮޑު ޖަމާއަތެއްގައި ބޭއްވުމުގެ އިންތިޒާމްތަކުގައި ހަރަކާތްތެރިވާ އޮފިޝަލަކު މިއަދު "އައްޑޫ ލައިވް" އަށް
ބުނީ ވިއްސާރަވެއްޖެ ނަމަ ބޮޑު ޖަމާއަތުގައި އީދު ނަމާދު ކުރުން ނުބާއްވާނެ ކަމަށެވެ.
"މޫސުމް ގޯސް ނަމަ އީދު ނަމާދު އޮންނާނީ ރަށުގެ ތިން މިސްކިތުގައި. އެ ނޫން ނަމަ ފުޓްބޯޅަ ދަނޑުގައި އީދު ނަމާދު ކުރާނީ،" އޭނާ ވިދާޅުވި އެވެ.
މިދިޔަ އަހަރުގެ އީދު ނަމާދުވެސް މީދޫ ފުޓްބޯޅަ ދަނޑުގައި ވަނީ ބާއްވައިފަ އެވެ. މި ނަމާދަށް އެތައް ބަޔަކު އެހީތެރިވި އިރު ރަށުގެ ކުދި ބޮޑު އެތަކެއް ބަޔަކު ވަނީ ބައިވެރިވެފަ އެވެ.
މި ފަހަރުގެ އީދު ނަމާދު ފޭދޫ އަލަށް ހިއްކި ބިމުގައި ބޭއްވުމަށް ވަނީ ނިންމައިފަ އެވެ.