ހައްގު ބަސް ބުނުމަކީ އިސްލާމް ދީނުގައި ވާޖިބެއް ކަމަށާއި އެއީ އަބުރާ ބެހުން ނޫން ކަމަށް ކުރީގެ ނައިބް ރައީސް ޑރ. މުހައްމަދު ޖަމީލް އަހްމަދު ވިދާޅުވެއްޖެ އެވެ.
ޑރ. ޖަމީލް ކުރެއްވި ޓްވީޓެއްގައި މި ގޮތަށް ވިދާޅުވެފައިވާ އިރު އަބުރާއި ބެހުމުގެ ބިލް މަޖްލީހުން ވަނީ ބަލައިގަނެ 11 މެމްބަރުން ހިމެނޭ ކޮމެޓީއަކަށް ފޮނުވައިފަ އެވެ.
قل الحق ولو كان مرا
Hahqu bas bunumakee Islam dheenugai vaajibey. Eiee aburaa behumey noon. #27GeDhifaauga— Mohamed Jameel Ahmed (@MJameelAhmed) August 1, 2016
ގާނޫނު އަސާސީގެ 27 ވަނަ މާއްދާގެ ދިފާއުގައި ވަކާލާތު ކުރައްވަމުން އަންނަ ޑރ. ޖަމީލް ވިދާޅުވީ ވެރިން ކުރާ ގޯސް ކަންތަކުގެ ވާހަކަ ދެއްކުމަކީ ދީނުގައި ކުރަންޖެހޭ ކަމެއް ކަމަށެވެ.
أفضل الجهاد كلمة حق عند سلطان جائر اوأمير جائر
Verin kuraa goas kanthakuge vaahaka dhehkumakee dheenugai kuran jehey kamey#27GeDhifaauga— Mohamed Jameel Ahmed (@MJameelAhmed) July 31, 2016
އަބުރުގެ ބިލާއި ދެކޮޅަށް ގިނަ ބަޔަކު އަޑުއުފުލަމުން އަންނަ އިރު ވެރިކަން ކުރާ ޕީޕީއެމްގެ ޒައީމް މައުމޫން އަބްދުލް ގައްޔޫމް ވެސް ވަނީ ބިލް ފާސްކުރުމަށް ނުފެންނަ ކަމަށް ވިދާޅުވެފައެވެ.
ބިލް މަޖްލިސްއަށް ބަލައިގަތުމަށްވެސް ޕީޕީއެމްގެ ބައެއް މެމްބަރުން ވަނީ ދެކޮޅު ހައްދަވައިފަ އެވެ.