އުރީދޫ ރެސްޕެކްޓް ފުޓްސަލް ޗެލެންޖްގެ ފައިނަލަށް ސަދަން ޓްރާންސްޕޯޓް ލިންކް (އެސްޓީއެލް) ދަތުރުކޮށްފިއެވެ.
ސެމީފައިނަލްގެ ފުރަތަމަ މެޗްގައި ރޭ ކަސްޓަމްސް ރިކްރިއޭޝަން ކްލަބާއި ވާދަކޮށް ސަދަން ޓްރާންސްޕޯޓް މޮޅުވީ 6-0 ލަނޑުންނެވެ.
ސަދަން ޓްރާންސްޕޯޓް ލިންކުން ޖެހި 6 ލަނޑުގެތެރެއިން 3 ލަނޑު ޖަހައި މެޗްގެ މޮޅު ކުޅުންތެރިއާ ހޯދީ މުބާރާތުގެ މޮޅު 5 ކުޅުންތެރިންގެ ތެރޭގައި ހިމެނޭ އެސްޓީއެލްގެ ހުޒެއިފަތު ރަޝީދުއެވެ.
އެޓީމަށް ދެން ލަނޑު ޖަހާ ދިނީ ހަސަން އަޠޫފް އާއި އިބްރާހިމް އަލްޒަމްއެވެ. އަޠޫފް ވަނީ 2 ގޯލް ޖަހާ ދީފައެވެ.
މުބާރާތުގެ ސެމީ ފަހު މެޗްގައި މިރޭ ބައްދަލު ކުރާނީ ޓީމް ފެނަކަ އަދި އެއާޕޯޓްސް ރިކްރިއޭޝަން ޓީމެވެ. މެޗް ކުރިއަށްދާނީ ފޭދޫ ފުޓްސަލް އެރީނާގައެވެ.