މިރޭ ހިފާ ހަނދު ކޭތަ ރާއްޖެއަށް ފެންނާނީ ވަރަށް ފަނޑުކޮށް ކަމަށް ކުރީގެ ރައީސް އަދި ޕީޕީއެމްގެ ރައީސް މައުމޫން އަބްދުލް ޤައްޔޫމް ވިދާޅުވެއްޖެއެވެ.
މައުމޫން މިހެން ވިދާޅުވެފައިވަނީ މިއަދު ކުރެއްވި ޓުވީޓެއްގައިއެވެ.
މިރޭ ހިފާ ހަނދުކޭތަ އަކީ ޕެނަމްބްރަލް (ފަނޑު ހިޔަނި) ކޭތައެއް . ވީމާ ކޭތަ ފެންނާނީ ވަރަށް ފަނޑުކޮށް ކަމަށް ލަފާ ކުރެވޭ .
— Maumoon Abdul Gayoom (@maumoonagayoom) September 16, 2016
މަޢުލޫމާތު ލިބޭ ގޮތުގައި މި ހަނދު ކޭތަ ރާއްޖެއަށް ފެންނާނީ މިރޭ 21:54 އާއި ދަންވަރު 01:54 އާއި ދެމެދުއެވެ. މި ކޭތައަކީ ފަނޑު ހިޔަނި ކޭތައަކަށް ވާތީ، މި ކޭތަ ފެންނާނީވެސް ފަނޑުކޮށެވެ. އަދި ކޭތަ އޭގެ އެންމެ ފުރިހަމަ ގޮތުގައި ފެންނާނީ ރޭގަނޑު 23:54 ގައި ކަމަށްވެސް މަޢުލޫމާތު ލިބެއެވެ. ފަލަކީ ޢިލްމުވެރިން ވިދާޅުވާ ގޮތުގައި މިރޭގެ ހަނދު ފެންނާނީ އެހެން ރޭތަކުގެ ހަނދަށްވުރެ 14 ގުނަ ބޮޑުކޮށެވެ.
ކޭތަ އެންމެ ފުރިހަމައަށް ފެންނަ ވަގުތު ކަމުގައިވާ ރޭގަނޑު 23:54 ގައި ރާއްޖޭގެ މީހުން ދިރިއުޅޭ ހުރިހާ ރަށެއްގައި ކޭތަ ނަމާދު ކުރުމަށްވަނީ ހަމަޖެހިފައެވެ.