އައްޑޫ ސިޓީ ކައުންސިލް އިދާރާގެ މުވައްޒަފުންނަށް އަމާޒުކޮށްގެން ތަމްރީން ޕްރޮގްރާމެއް މިއަދު ފަށައިފި އެވެ.
މިއަދުން ފެށިގެން މި މަހުގެ 29ވަނަ ދުވަހުގެ ނިޔަލަށް ކުރިއަށް ގެންދާ މިތަމްރީން ޕްރޮގްރާމަކީ މުވައްޒަފުންގެ ފެންވަރު މަތިކުރުމުގެ މަޤުސަދުގައި ބޭއްވޭ ސިލްސިލާ ތަމްރީން ޕްރޮގްރާމްތަކުގެ ތެރެއިން ޕްރޮގްރާމެއް ކަމަށް ކައުންސިލުން ބުންޏެވެ.
ތަމްރީން ޕްރޮގްރާމްގައި ކައުންސިލް އިދާރާގެ 28 މުވައްޒަފުން ބައިވެރިވެފައިވެ އެވެ.
މި ޕްރޮގްރާމްގައި ސެޝަންތައް ނަންގަވައި ދެއްވާނީ އައްޑޫ ހައި ސްކޫލްގެ ޑެޕިއުޓީ ޕްރިންސިޕަލް އަދި އައްޑޫގެ މަޝްހޫރު ތަޖުރިބާކާރު ދިވެހި މުދައްރިސް އަހުމަދު މިހާދެވެ.