ވަކި ބޭފުޅަކު ތައީދު ގެންދެވުމަކުން ރައީސް ޔާމީން އިސްތިއުފާ ދެއްވައި ގެއަށް ވަޑައިނުގަންނަވާނެކަމަށް ފޮނަދޫ ދާއިރާގެ މެމްބަރު އަބްދުއް ރަހީމް އަބްދުﷲ ވިދާޅުވެއްޖެއެވެ.
މި ސަރުކާރަށް ދެއްވި ތާއިދު އަނބުރާ ގެންދެވިކަމަށް ޕީޕީއެމްގެ ރައީސް މައުމޫން އަބްދުލް ގައްޔޫމް ރޭ ރަސްމީކޮށް އިއްލާން ކުރެއްވިތާ ކުޑަވަގުތު ކޮޅެއްގެ ތެރޭގައި އަބްދުއް ރަހީމް ކުރެއްވި ޓްވީޓެއްގައި ވިދާޅުވީ " ވަކި ބޭފުޅަކުގެ ތާއިދު ގެންދެވުމަކުން ރައީސް ޔާމީން އިސްތިއުފާ ދެއްވައި ގެއަށް ވަޑައިނުގަންނަވާނެ ކަމަށާއި، އެއަށް ވުރެ އަޒުމް ވަރުގަދަ ކަމަށް ވިދާޅުވެ މައުމޫން އަށް އަބްދުއް ރަހީމް ވަނީ ގޮންޖައްސަވާފައެވެ.
Vaki beyfulhakuge thaa'eed an'buraa gendhevumakun Ra'ees Yameen isthi'ufaa dhevaafa vada'eh nugannavaane.IA.e'ah vure azum varugadha vaane.
— Abdul Raheem Abdulla (@Banafsaa) October 27, 2016
ރައީސްކަމަށް އަބްދުﷲ ޔާމީން ގެންނެވުމަށާއި، އަދި ފޮނަދޫ ދާއިރާއަށް އަބްދުއް ރަހީމް ހޮވެވުމަށް ވަރަށް ބުރަކޮށް މަސައްކަތް ކުރެއްވި ކުރީގެ ރައީސް މައުމޫންއަށް މީގެ އަހަރުތަކެއް ކުރިން އަބްދުއް ރަހީމް ގެންދެވީ ސަނާކިޔަމުންނެވެ. ނަމަވެސް މިހާރު ރައީސް މައުމޫންއަށް އެންމެ ބޮޑަށް ފާޑު ވިދާޅުވާ އަޑު އިވެނީ އަބްދުއް ރަހީމްގެ ފަރާތުންނެވެ.
އަބްދުއް ރަހީމް އިތުރަށް ވިދާޅުވީ ޝަރުއީ ދާއިރާގެ އެންމެ ފަހު ބަސް ބުނާ ފަރާތަކީ ސްޕްރީމް ކޯޓުކަމަށާއި، ސްޕްރީމް ކޯޓުގެ ހުކުމަށް ތަބާވުމުގައި ވަކި ބޭފުޅަކު އިސްތިސްނާ ނުވާކަމަށެވެ.
Sharu'ee gothun fahubas bunaa thanakee SC. SC ge hukumah thabaa vumugai Vaki beyfulhaku isthisnaa eh nuvaane( fehi QA)
— Abdul Raheem Abdulla (@Banafsaa) October 28, 2016
އަބްދުއް ރަހީމް މިފަދައިން ވިދާޅުވެފައި މިވަނީ ޕީޕީއެމް ހިންގުން ސިވިލް ކޯޓުން ޕާޓީގެ މުސްތަޝާރު ރައީސް ޔާމީން އާއި ހަވާލުކުރުމަށް ކުރި ހުކުމަށް ސްޕްރީމް ކޯޓުން ތާއިދު ކުރުމާއި ގުޅިގެންނެވެ.