ހުކުރު ދުވަހުގެ ރޭ ޕީޕީއެމް ޔާމީން ފެކްޝަނުން އަލިމަސް ކާނިވަލްގައި ބޭއްވި ޖަލްސާއަށް މީހުން ދިޔައީ ދާ ހިތުން ދާން ބޭނުންވެގެން ކަމަށް ޔާމީން ފެކްޝަންގެ ޑެޕިއުޓީ ލީޑަރު އަދި ފޮނަދޫ ދާއިރާގެ މަޖިލިސް މެމްބަރު އަބްދުއްރަހީމް އަބްދުﷲ ވިދާޅުވެއްޖެ އެވެ.
"އަސްލު" ނަމުގައި ބޭއްވި ޖަލްސާއަށް މީހުން ދިޔައީ ބިރު ދައްކައި މަޖްބޫރު ކޮށްގެން ކަމަށް ޕީޕީއެމްގެ މައުމޫން ފެކްޝަނުން ބުނެފައި ވަނިކޮށް އަބްދުއް ރަހީމް ވިދާޅުވީ ޖަލްސާއަށް މެމްބަރުން ދިޔައީ ދާ ހިތުން ދާން ބޭނުންވެގެން ކަމަށެވެ.
"Aslu"Jalsa ah meehun dhiya'ee dhaa hithun dhaan beynunvegen. RY ge harudhanaa siyaasath gaboolu kuraathee.kh'idhumathah shukuruveri vaathee
— Abdul Raheem Abdulla (@Banafsaa) November 4, 2016
އަބްދުއް ރަހީމް ވިދާޅުވީ އެފަރާތްތަކުން ޖަލްސާއަށް ދިޔައީ ރައީސް ޔާމީންގެ ހަރުދަނާ ސިޔާސަތު ގަބޫލްކޮށް، އެމަނިކުފާންގެ ހިދްމަތަށް ޝުކުރުވެރިވާތީ ކަމަށެވެ.
އަބްދުއް ރަހީމް ވިދާޅުވީ އަސްލު ޕީޕީއެމްގެ ޖަލްސާ އަސްލު ސައިޒްގައި ބާއްވާފައިވާ ކަމަށެވެ.
ޔާމީން ފެކްޝަނުން ހުކުރު ދުވަހުގެ ރޭ ބޭއްވި ޖަލްސާއަށް މީހުން ދިޔައީ މަޖްބޫރުވެގެންކަމަށް ރައީސް މައުމޫންވެސް ވަނީ ސިފަ ކުރައްވާފައެވެ.
ޖަލްސާ އަށް ދިޔަ މީހުންގެ ހާޒިރީ ބެލުމަށް ހަދާފައިވާ ދެ ކާޑަކާއި 500 ރުފިޔާގެ ނޫޓެއް ހިފައިގެން ޒުވާން ތިން ފިރިހެނަކު ތިބި ފޮޓާއަކާއެކު މައުމޫން ކުރެއްވި ޓްވީޓެއްގައ ވިދާޅުވީ، މަޖުބޫރުވެގެން ނަމަވެސް ޖަލްސާއަށް ދިޔަ މެމްބަރުންނަށް މަރުހަބާ ދަންނަވާ ކަމަށާއި ސާބިތުވެ ތިބުމަށް ގޮވައިލައްވާ ކަމަށެވެ.
Majbooru vegen namaves jalsaa ah vadai gennevi PPM ge lobuvethi menbarunnah mar'habaa. Saabithuve thibbavaa! pic.twitter.com/zWL6TktaFl
— Maumoon Abdul Gayoom (@maumoonagayoom) November 5, 2016
އަދި ރައީސް މައުމޫންގެ ދަރިކަބަލުން ދުންޔާ މައުމޫންވެސް ވަނީ މަޖްބޫރުން ޖަލްސާއަށް ދިޔަ ފަރާތްތަކަށް މަރުހަބާ ކިޔާފައެވެ.