މާލޭގެ އާއްމު މައިދާން ތަކާއި، ޕާކް ތަކުގައި އެނާޖީ ޑްރިންކްސް އިޝްތިހާރު ކުރުމަކީ އަދި އަދި ޕްރޮމޯޓް ކުރުމަށް އިވެންޓް ބޭއްވުމަކީ ހުއްދަ ދޭ ކަމެއް ނޫންކަމަށް ހައުސިން މިނިސްޓރ ޑރ. މުހައްމަދު މުއިއްޒު ވިދާޅުވެއްޖެ އެވެ.
Male ge aammu maidhaan thakaa park thakuga energy drinks isthihaaru kurumakee adhi promote kurumah event beyvvumakee huhdha dhey kameh noon.
— Dr Mohamed Muizzu (@MMuizzu) December 15, 2016
މުއިއްޒު މިގޮތަށް ވިދާޅުވެފައި މިވަނީ ހަކުރު ގިނަ ބުއިންތަކުގެ ސަބަބުން އުފެދި ބޮޑުވަމުން އަންނަ ކުދިންގެ ސިއްހަތަށް ނޭދެވޭ އަސަރު ކުރާ ކަމަށާއި އެ ފަދަ އުފެއްްދުންތައް އިޝްތިހާރު ނުކުރުމަށް ހެލްތު މިނިސްޓަރު އަބްދުﷲ ނާޒިމް އިބްރާހިމް އިލްތިމާސް ކުރައްވާފައި ވަނިކޮށެވެ.
ހެލްތު މިނިސްޓަރ ވިދާޅުވީ، އެފަދަ ބުއިންތައް އިޝްރިހާރު ކުރާ ފަރާތްތަކާއި މެދު ފިޔަވަޅު އަޅާނެކަމަށެވެ.
އެނާޖީ ޑްރިންކްސް ފަދަ ތަކެތި މާލޭގެ އާއްމު މައިދާންތަކުގައި އިޝްތިހާރު ކުރުމަށް ހުއްދަ ނުދެއްވާ އިރު ސަރުކާރާއި ގުޅިގެން އެފަދަ ބައެއް ބުއިންތައް އަންނަނީ އިޝްތިހާރު ކުރަމުންނެވެ.