ބޮލީވުޑްގެ މަޝްހޫރު ތަރި އާމިރް ޚާންގެ އެންމެ ފަހުގެ ފިލްމް ކަމަށްވާ "ސީކްރެޓް ސުޕާސްޓާ"ގެ ޓްރެއިލާ ދައްކާލައިފިއެވެ.
— Aamir Khan (@aamir_khan) December 16, 2016
16 ޑިސެމްބަރުގައި އޭނާގެ ޓްވިޓާ އެކައުންޓް މެދުވެރިކޮށް ވަރަށް ޝައުޤުވެރި ވާހަކައެއް އޯޑިއެންސްއާއި ހިއްސާ ކުރާނެ ކަމަށް ބުނިތާ މާގިނަ އިރުތަކެއް ނުވަނީސް އާމިރް ވަނީ އޭނާގެ އެންމެ ފަހުގެ ފިލްމްގެ ޓްރެއިލާ ޕޯސްޓް ކޮށްފައެވެ.
To all those who complain that I come once in two years… https://t.co/WOoPul6n0R
— Aamir Khan (@aamir_khan) December 16, 2016
"ސީކްރެޓް ސުޕާސްޓާ"އަކީ ޒުވާން އަންހެން ކުއްޖެއްގެ ހުވަފެނާއިމެދު އޭނާގެ ބައްޕަ ދެކޮޅު ހަދާ ވާހަކަ ދައްކުވައިދޭ ފިލްމެކެވެ. އެއަންހެން ކުއްޖާގެ ރޯލް ކުޅެނީ އާމިރްގެ "ޑަންގަލް"ގެ ދަރިފުޅު ޒައިރާ ވާސިމްއެވެ.
އެފިލްމުގެ ޕްރޮޑިއުސަރުންނަކީ އާމިރް ޚާންއާއި ކިރަން ރާއޯ ކަމަށްވާއިރު، ފިލްމުގެ ޑައިރެކްޓަރަކީ އާމިރްގެ ކުރީގެ މެނޭޖަރު ކަމަށްވާ އަދްވައިތު ޗަންދަންއެވެ.
"ސީކްރެޓް ސުޕާސްޓާ" ރިލީޒް ކުރުމަށް ހަމަޖެހިފައިވަނީ އަންނަ 2017 ވަނަ އަހަރުގެ އޮގަސްޓް މަހުގެ 4 ވަނަ ދުވަހުއެވެ.