ސުނާމީގެ ހިތާމަވެރި ކާރިސާ އާއި ގުޅިގެން ރާއްޖޭގައި ފާހަގަ ކުރާ ގައުމީ އެއްބައިވަންތަކުމުގެ ދުވަސް މިއަދު އަޅުގަނޑުމެން ފާހަގަ ކުރާއިރު މިއަދު ގައުމު އެއްބައިވަންތަ ވެފައިވަނީ ކަރަޕްޝަނާއި ދެކޮޅައްކަމަށް ކެންދޫ ދާއިރާގެ މެމްބަރު އަލީ ހުސެއިން ވިދާޅުވެއްޖެއެވެ.
އަލީ ވިދާޅުވީ މިއަދު ގައުމު އެއްބައިވަންތަވެފައިވަނީ ބޭއިންސާފާއި އަނިޔާވެރިކަމާއި ދެކޮޅަށްކަމަށެވެ. އަދި ދިވެހިންގެ ބިން ވިއްކުމާއި ދެކޮޅަށްކަމަށެވެ.
Miadhu gaumu ebbaivantha vaanvee corruption aai dhekolhah. Bey insaafaai aniyaaveri kmaai dhekolhah. Aharemenge binthah vikkumaai dhekolhah.
— Ali Hussain (@AleeVoice) December 26, 2016
ގައުމީ އެއްބައިވަންތަ ކަމުގެ ދުވަސް މިއަދު އަޅުގަނޑުމެން ފާހަގަ ކުރާއިރު ދިވެހިންގެ ބިންތައް ބޭރުގެ ފަރާތްތަކަށް މިލްކު ކުރެވޭ ގޮތަށް ގާނޫނު އަސާސީ ވަނީ ބަދަލުކޮށްފައެވެ. އަދި ރާއްޖޭގެ ބިންތައް ވިއްކައިގެން ބިލިއަނުން ފައިސާ ނަގައި އެއަށް ހިޔާނާތްތެރިވި މައްސަލައެއް ފެންމަތިވެ، އެމައްސަލަ އަދިވެސް ވަނީ އިންސާފުވެރި ގޮތެއްގައި ތަހްގީގު ނުކުރެވިއެވެ.
ރާއްޖޭގައި ކަރަޕްޝަން އާއްމުވެފައިވާ އިރު ކަމާއި ބެހޭ މުވައްސަސާތަކަށް އެކަންކަން ބެލޭކަމަށް ރައްޔިތުން ގަބޫލެއް ނުކުރެއެވެ.