ކުރިއަށް އޮތް ލޯކަލް ކައުންސިލް އިންތިހާބުގައި ވާދަނުކުރުމަށް އަދާލަތު ޕާޓީން ނިންމައިފި އެވެ.
މައުލޫމާތު ލިބިފައިވާ ގޮތުގައި ލޯކަލް ކައުންސިލް އިންތިހާބުގައި ވާދަނުކުރުމަށް އަދާލަތު ޕާޓީން ނިންމީ އެޕާޓީގެ މަޝްވަރާ މަޖިލީހުގެ މިރޭގެ ބައްދަލުވުމުގައި ބައިވެރިވެވަޑައިގެންނެވި މެންބަރުންގެ އަގުލަބިއްޔަތުން އެގޮތަށް ނިންމުމުންނެވެ.
އަދާލަތު ޕާޓީން މިރޭ ނެރުނު ބަޔާނެއްގައި ބުނެފައިވަނީ ރާއްޖޭގެ ގިނަ ޕާޓީ އެކުލެވޭ ސިޔާސީ ނިޒާމު ހަރާބުކޮށް، ސަރުކާރު ހިންގާ ފަރާތަށް ލާބަހުރި ގޮތަށް މެނުވީ އިލެކްޝަންސް ކޮމިޝަނުން އެއްވެސް ކަމެއް ކުރަމުން ނުދާ ކަމަށެވެ.