އިސްލާމީ ފަތަވާދޭ އެންމެ މަތީ މަޖިލީހުގެ ރައީސް ކަމަށް ކުރީގެ އުއްތަމަ ފަނޑިޔާރުގެ މަގާމު ފުރުއްވި އައްޝައިޙް މުޙައްމަދު ރަޝީދު އިބްރާހިމް މިއަދު ރައީސުލް ޖުމުހޫރިއްޔާ އައްޔަން ކުރައްވައިފިއެވެ.
މިއަދު ރައީސް އޮފީހުގައި ބޭއްވުނު ބައްދަލުވުމެއްގައި މިމަގާމަށް ޝެއިޚް ރަޝީދު އައްޔަން ކުރައްވައި މަގާމުގެ ފަތްކޮޅު އަރުއްވާފައިވަނީ ރައީސް ޔާމީނެވެ.
ޝެއިޚް ރަޝީދަކީ ކުރީގެ ރައީސުލް ޖުމުހޫރިއްޔާ އަލްއުސްތާޛް މައުމޫން އަބްދުލް ގައްޔޫމްގެ ވެރިކަމުގައި ސަރުކާރުގެ އެކިއެކި މަގާމުތައް ފުރުއްވާފައިވާ ބޭފުޅެކެވެ.