ކުރީގެ ރައީސް މުހައްމަދު ނަޝީދުގެ މައްޗަށް އިއްވާފައިވާ 13 އަހަރު ދުވަހުގެ ޖަލު ހުކުމުގެ ބަންދުގައި ހުއްޓާ ބޭސް ފަރުވާއަށް ކަމަށް ބުނެ އިނގިރޭސިވިލާތަށް ފޮނުވާލިތާ އެއް އަހަރު ފުރުމާއި ގުޅިގެން މިކަމުގައި ނަޝީދުއަށް އެހީތެރިވެ ދެއްވި އެންމެހާ ފަރާތްތަކަށް ޝުކުރު ދަންނަވައިފިއެވެ.
1yr today since Govt had to release me from jail.Would like to thank everyone who made it happen.Will continue to work for a better Maldives
— Mohamed Nasheed (@MohamedNasheed) January 18, 2017
ނަޝީދު މިއަދު ކުރެއްވި ޓްވީޓްގައިވަނީ އެމަނިކުފާން ޖަލުގެ ތޭރިތަކުން ބޭރަށް ގެނެސް ދިނުމަށް މަސައްކަތް ކުރެއްވި ހުރިހާ ފަރާތްތަކަށް ޝުކުރު ދަންނަވާފައެވެ.
ނަޝީދު ވިދާޅުވީ ރާއްޖެ އިސްލާހް ކުރުމަށް ކުރަމުންދާ މަސައްކަތް ހުއްޓާ ނުލައްވާނެކަމަށާއި، އެކަމުގައި ދެމި ހުންނާނެކަމަށެވެ.
ނަޝީދުގެ މައްޗަށް ޓެރަރިޒަމް ދައުވާ އުފުލައި އެމަނިކުފާނަށް 13 އަހަރުގެ ޖަލު ހުކުމެއް އިއްވާފައިވަނީ ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު ހައްޔަރުކޮށް ގިރިފުއްޓަށް ގެންދިޔަ މައްސަލަ ސާބިތުވެގެންނެވެ.
ނަޝީދު ޖަލުން ދޫކޮށްލާފައިވަނީ ސަރުކާރަށް ކުރިމަތިވަމުން އައި ޕްރެޝަރާއި ހެދި އެމަނިކުފާންއަށް ބޭސްފަރުވާ ކުރުމުގެ ނަމުގައެވެ.