މިދިޔަ ސީޒަނުގައި ޕީއެސްވި އެއިންދްހޯވަން އިން އިނގިރޭސި ވިލާތުގެ މެންޗެސްޓާ ޔުނައިޓެޑަށް ސޮއިކުރި މެމްފިސް ޑިޕޭ އޭނާގެ ދެވަނަ ސީޒަނުގެ މެދުތެރެއިން ޔުނައިޓެޑުގެ ކެރިއަރަށް އަލްވަދާއު ކިޔައިފިއެވެ.
ޒުވާން މެމްފިސް ކުލަބަށް އައިސްފައިވަނީ ގިނަ އުއްމީދުތަކާއެކުގައެވެ. ނަމަވެސް ކަންދިމާކުރިގޮތުން މެމްފިސްއަށް ޔުނައިޓެޑު ޖާޒީގައި ވިދާލުމުގެ ފުރުސަތެއް ލިބިފައިނުވެއެވެ. މިހާތަނަށް ޔުނައިޓެޑަށް އޭނާ ކުޅުނު 53 މެޗުން ކާމިޔާބުކުރެވިފައިވަނީ އެންމެ 7 ގޯލެވެ.
ފްރާންސުގެ ލިއޯންއަށް މެމްފިސް މިހާރު ސޮއިކޮށްފައިވާއިރު އޭނާ ދިއުމުން ޔުނައިޓެޑުގެ ސަޕޯޓަރުން ހިތާމަ ކުރަމުންދަނިކޮށް މެމްފިސްގެ ވަދާއީ މެސެޖުތަކުން ސަޕޯޓަރުން ވަނީ އިތުރަށް ރޮއްވާލާފައެވެ.
މެމްފިސްގެ ސޯޝަލް މީޑިޔާގައި ޔުނައިޓެޑަށް ކުޅުނު މަދު ދުވަސްކޮޅުގައި ކުލަބާއި ސަޕޯޓަރުންގެ ފަރާތުން ލިބުނު ހިތްވަރަށް ޝުކުރު އަދާކޮށްފައިވެއެވެ. އަދި ކެޕްޓަން ވޭން ރޫނީ އާއި ޕޮގްބާ، ލޫކް ޝޯ އަދި ކީޕަރު ޑެހެއާއަށް ހާއްސަ މެސެޖުތައް މެމްފިސް ވަނީ ފޮނުވާފައެވެ.
https://twitter.com/Memphis/status/822416913749995521/photo/1?ref_src=twsrc%5Etfw
Legend thank you for everything that made me feel like home @WayneRooney #Thankyou #ManUtd👹👂🏾👀👊🏾👌🏾 pic.twitter.com/M4soFpwBTx
— Memphis Depay (@Memphis) January 20, 2017
Keep saving…saving …saving… 🙌 👏✈ ⚽ @D_DeGea Always felt safe with you… pic.twitter.com/bN7lC5gsxE
— Memphis Depay (@Memphis) January 20, 2017
Merci @Paulpogba… jusqu'à notre prochaine bataille sur le terrain… casse tout ou rentre à la maison… 😈😈😈👊🏾 #pogba pic.twitter.com/ROUdh0fXII
— Memphis Depay (@Memphis) January 20, 2017
މެމްފިސްގެ 25 މިލިއަން ޑޮލަރުގެ ޓްރާންސްފާއަށް ފަހު ނޫސްވެރިއަކު ޔުނައިޓެޑާއި ދެކޮޅަށް ބަދަލު ހިފަން ބޭނުންވާތޯ ސުވާލުކުރުމުން ބުނެފައިވަނީ މެންޗެސްޓާ ޔުނައިޓެޑަށް އޭނާގެ ހިތުގައި އަބަދުވެސް އިހުތިރާމު އޮންނާނެ ކަމަށެވެ.