2010 ވަނަ އަހަރުގެ ހިޓް ފިލްމް "ދަބަންގް" އިން ބޮލީވުޑް އަށް ތަޢާރަފް ވެގެންދިޔަ މަޝްހޫރު އެކްޓްރެސް ކަމަށްވާ ސޮނާކްޝީ ސިންހާ ރާއްޖެ އަތުވެއްޖެއެވެ.
އޭނާ ރާއްޖެ އައިސްފައިވަނީ ޗުއްޓީ ހޭދަކޮށްލަން ކަމަށް މަޢުލޫމާތު ލިބެއެވެ.
އެގޮތުން ސޮނާކްޝީ ވަނީ ރާއްޖޭގައި އޭނާ ނަގާފައިވާ ސެލްފީ (ނަފްސީ) އެއް އިންސްޓަގްރާމްގައި ޕޯސްޓް ކޮށްފައެވެ.
In #beautifulMaldives with my perfect travel buddy! The #Zenfone3sMax is finally here! Click here now to get yours https://t.co/nVqkXhWaZT pic.twitter.com/OSc4c1jz0A
— Sonakshi Sinha (@sonakshisinha) February 7, 2017
2015 ވަނަ އަހަރުވެސް ޗުއްޓީ ހޭދަކޮށްލުމަށްޓަކައި ރާއްޖެ އައި ސޮނާކްޝީ މިއަހަރު ޗުއްޓީ ހޭދަ ކުރަނީ ކޮކޯ އައިލޭންޑް ރިސޯޓްގައި ކަމަށް މަޢުލޫމާތު ލިބެއެވެ.
ބޮލީވުޑްގެ މަޝްހޫރު އަންހެން ތަރިންގެ ފިލްމް ތަކަށް ލިބިފައިވާ އާމްދަނީ އަށް ބަލައި ހަދާފައިވާ އެންމެ ކާމިޔާބު 10 އަންހެން ތަރިންގެ ލިސްޓުގައި ސޮނާކްޝީ ހިމެނެއެވެ. އޭނާއަކީ ކުރީގެ ގިނަ ފިލްމްތަކެއްގައި އެކްޓް ކޮށްފައިވާ ވެޓްރަން އެކްޓަރު ސަތުރުގަން ސިންހާ (ސަތުރޭ) ގެ ހުރި ހަމައެކަނި އަންހެން ދަރިފުޅެވެ.