ސީރިއާގެ ދާޚިލީ ހަނގުރާމާގައި ބައިވެރިވުމަށް ސީރިއާ އަށް ދާން އުޅުނު ދިވެއްސަކު ތުރުކީ އިން ހައްޔަރު ކޮށް ރާއްޖެ ގެނެސްފިއެވެ.
މަޢުލޫމާތު ލިބިފައިވާ ގޮތުގައި އެމީހާ މާލޭގައި ދިރިއުޅެމުން ދިޔަ ގެ ބަލައި ފާސް ކުރުމަށްޓަކައި ރޭގެ ވަގުތެއްގައި ފުލުހުން ވަނީ ޚާއްސަ އޮޕަރޭޝަނެއްވެސް ކުރިއަށް ގެންގޮސްފައެވެ.
ސީރިއާގައި ކުރަމުންދާ ދާޚިލީ ހަނގުރާމާގައި ބައިވެރިވުމަށް ވަރަށް ގިނަ އަދަދެއްގެ ދިވެހިން މިހާރުވެސް ސީރިއާ އަށް ގޮސްފައި ވާއިރު، އޭގެ ތެރެއިން ބައެއް ދިވެހިން ވަނީ މަރުވެސް ވެފައެވެ.
ރާއްޖޭގައި މިހާރު ޢަމަލު ކުރާ ޓެރަރިޒަމްގެ ޤާނޫނުގެ ދަށުން ހަނގުރާމައަށް ދާ މީހުން ހައްޔަރު ކުރުމުގެ ބާރު ދިވެހި ފުލުހުންނަށް ވަނީ ލިބިފައެވެ.