މިނިވަން ކެންޑިޑޭޓެއްގެ ގޮތުގައި ކުރިއަށް އޮތް ރިޔާސީ އިންތިޚާބުގައި ވާދަކުރުމަށް ނިންމާފައިވާ އުމަރު ނަސީރު އެމްޑީޕީއާއި ޕީޕީއެމް ގާނޫނޫ އަސާސީ ބަދަލުކުރަން ސިއްރު ޑީލެއް ހެދިކަމަށް ބުނި ބުނުން ޕީޕީއެމްގެ ރައީސް މައުމޫން އަބްދުލް ޤައްޔޫމް ދޮގުކުރައްވައިފިއެވެ.
މިއަދު ހެނދުނު އުމަރު ކުރި ޓުވީޓެއްގައި ބުނެފައިވަނީ 22 ޖުލައި 2015 ވަނަ ދުވަހު ޕީޕީއެމްއާއި އެމްޑީޕީއިން ވަނީ ގާނޫނު އަސާސީ ބަދަލުކޮށް ދިވެހި ގައުމުގެ ބިންތައް ވިއްކުމަށް ސިއްރު ޑީލެއް ހަދާފައި ކަމަށެވެ.
On 22/7/15, PPM & MDP reached a secret deal & voted to amend the constitution allowing the sale of our land. So, say YES to our #ThirdFront
— Umar Naseer (@UmarNaseerMV) February 21, 2017
އުމަރުގެ މި ޓުވީޓަށް ރައްދު ދެއްވަމުން ޕީޕީއެމްގެ ރައީސް މައުމޫން ކުރެއްވި ޓުވީޓެއްގައި ވިދާޅުވެފައިވަނީ ޕީޕީއެމް އިން އެއްވެސް ޕާޓީއަކާއި ގާނޫނު އަސާސީ ބަދަލުކުރުމަށް ޑީލެއް ހަދާފައި ނުވާނެ ކަމަށެވެ. ނަމަވެސް ފަހަރެއްގައި ސަރުކާރުގެ ވުޒާރާތަކުން އެފަދަ އަމަލެއް ކޮށްފައި ވެދާނެ ކަމަށާއި މައުލޫމާތު ފޯރުކުރާއިރު އޮޅުވާނުލުމަށް މައުމޫން އިލްތިމާސްކޮށްފައިވެއެވެ.
PPM made no deal with any party to change the constitution; maybe some elements within govt did. Please be accurate!
— Maumoon Abdul Gayoom (@maumoonagayoom) February 21, 2017
ރައީސް ޔާމީނުގެ ކެބިނެޓްގެ ހޯމް މިނިސްޓަރުގެ މަގާމުން އިސްތިއުފާ ދެއްވުމަށްފަހު އުމަރު ނަސީރުގެ ފާޑުކިޔުންތައް ވަނީ ރައީސް ޔާމީނަށް މެދުކެނޑުމަށް ފަހު އެނބުރި އަމާޒުވެފައެވެ.