ޕީޕީއެމްގެ މެމްބަރުން އިންތިހާބް ކުރައްވާފައިވާ އެ ޕާޓީގެ ރައީސަކީ އަދިވެސް ރައީސް މައުމޫންކަމަށް އެމަނިކުފާންގެ ދަރިކަނބަލުން ދުންޔާ މައުމޫން ވިދާޅުވެއްޖެއެވެ.
PPM ge membarun inthikhaabu kurevvaafaivaa PPM ge Raees aky adhives Raees Maumoon. pic.twitter.com/eGqLFBUNi1
— Yumna Maumoon 🇲🇻 🤝🇵🇸 (@yumna_maumoon) March 31, 2017
ރައީސް މައުމޫން ޕީޕީއެމް ވަކިކުރިކަމަށް އެޕާޓީގެ މުސްތަޝާރު ފެކްޝަނުން ނިންމައި ސިވިލް ކޯޓުން ނެރުނު އަމުރަކާއި ގުޅިގެން މައުމޫން ހިންގަވަމުން ގެންދެވި އޮފީހަށް ފުލުހުން ވަދެ އެތަނުގައި ހަރުކޮށްފައިވާ ނަން ބޯޑާއި ދިދަ ގެން ގޮސްފައިވަނިކޮށް ދުންޔާ ކުރެއްވި ޓްވީޓެއްގައި ވަނީ އަދިވެސް އެޕާޓީގެ އިންތިހާބީ ރައީސަކީ މައުމޫން ކަމަށެވެ.
މައުމޫން ޕީޕީއެމްގެ ރައީސްކަމަށް އިންތުހާބްވެވަޑައިގެންފައިވަނީ 2013 ޖެނުއަރީ 18 ވަނަ ދުވަހު ބޭއްވުނު ޕީޕީއެމްގެ ގައުމީ މަޖްލިސް ބައްދަލުވުމުގައެވެ.
ޕީޕީއެމް ދެފަޅިވެ، ޕާޓީ ހިންގުން މިވަނީ މުސްތަޝާރު ރައީސް އަބްދުﷲ ޔާމީން އާއި ހަވާލުކުރުމަށް ހުކުމްކޮށްފައެވެ. އެއާއި އެކު ރައީސް މައުމޫން ޕީޕީއެމްގެ ދިދަ އާއި ލޯގޯ އަދި ނަން ބޭނުން ކުރައްވައިގެން އެއްވެސް ހަރަކާތެއް ނުހިންގެވޭނެ ކަމަށް ކޯޓުން ހުކުމްކޮށް އެކަން ތަންފީޒު ކުރުމަށް ފުލުހުންގެ މައްޗަށް ވަނީ އަމުރުކޮށްފައެވެ.