ޕީޕީއެމްގެ ސުލޫކީ ކޮމިޓީއިން ވިލިނގިލި ދާއިރާގެ މެމްބަރު ސައުދު ހުސެއިން ޕާޓީ އިން ވަކިކުރުމުން ކޮމިޓީއަށް ކުރީގެ ރައީސް މައުމޫން ފާޑުވިދާޅުވެއްޖެއެވެ.
މައުމޫން މިއަދު ކުރެއްވި ޓުވީޓެއްގައި ވިދާޅުވެފައިވަނީ އެބުނާ ސުލޫކީ ކޮމިޓީއަކީ ސަސްޕެންޑު ކޮށްފައި އޮތް ބާތިލު ކޮމިޓީއެއް ކަމަށެވެ. އެހެންކަމުން އެފަދަ ކޮމިޓީއަކުން ނިންމާ ނިންމުމަކީވެސް ބާތިލު ނިންމުމެއް ކަމަށާއި އެއަށް ތަބަޢަ ވާކަށް ނުޖެހޭ ކަމަށް މައުމޫން ވަނީ ގޮވާލައްވާފައެވެ.
Ebuna sulooky com akee suspended baathil com eh. Baathil thanakun nimmaa komme nimmumeh vaany baathil nimmumakah. Mee qaanoony hama aky
— Maumoon Abdul Gayoom (@maumoonagayoom) April 18, 2017
ރައީސް މައުމޫން އިތުރަށް ވިދާޅުވެފައިވަނީ ސައުދު އަކީ ޕީޕީއެމްއަށް ވަފާތެރި، އިޚުލާސްތެރި މެމްބަރެއް ކަމަށާއި ޕީޕީއެމްގެ ރައީސްގެ ހައިސިއްޔަތުން އެމަނިކުފާނު ސައުދުގެ މަސައްކަތުގެ އަގު ވަޒަން ކުރައްވާ ކަމަށެވެ.
ޕީޕީއެމްގެ ސުލޫކީ ކޮމިޓީއިން ވަނީ ރައީސް މައުމޫންއާއި ސައުދުވެސް ޕާޓީ އިން ވަކިކޮށްފައެވެ. ނަމަވެސް ރައީސް މައުމޫން ވިދާޅުވެފައިވަނީ އެމަނިކުފާނު ވަކިކޮށްފައިވަނީ އަސާސެއްގެ މައްޗަށް ބިނާކޮށް ނޫން ކަމަށާއި ގަވާޢިދާއި ޚިލާފު ނިންމުމަކަށް އަމަލު ނުކުރައްވާނެ ކަމަށެވެ.