އިނގިރޭސި ބަހުގެ ފާހެއް ނެތް ފަރާތްތަކަށް އަމާޒުކޮށްގެން މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ހިތަދޫ ކެމްޕަހުގައި އިންގްލިޝް ލެންގުއޭޖް ކޮމްޕިޓެންސީ އިމްތިހާނެއް ބާއްވަން ނިންމައިފިއެވެ.
މެއި މަހުގެ 9 ވަނަ ދުވަހު ބޭއްވުމަށް ހަމަޖެހިފައިވާ މި އިމްތިހާނުގައި ބައިވެރިވުމަށް އެދި ފޯމު ހުށަހެޅުމުގެ ފުރުސަތު މިހާރު ވަނީ ހުޅުވާލާފައެވެ.
އެމްއެންޔޫ ހިތަދޫ ކެމްޕަހުން މައުލޫމާތު ދެއްވާ ގޮތުގައި މި އިމްތިހާނުގައި ބައިވެރިވުމަށް -/500 ރުފިޔާގެ ފީއެއް ދައްކަން ޖެހޭނެއެވެ.
އިނގިރޭސި ބަހުގެ އިމްތިހާން ބޭއްވުމަށް ހަމަޖެހިފައިވަނީ މެއި މަހުގެ 13 ވަނަ ދުވަހުއެވެ. އަދި އިމްތިހާނުގެ ނަތީޖާ މެއި 21 އިން ފެށިގެން ދޫކުރަމުން ދާނެ ކަމަށް ހިތަދޫ ކެމްޕަހުން މައުލޫމާތު ދެއްވައެވެ.