އައްޑޫ ސިޓީގެ ފޭދު އަށް ނިސްބަތްވާ 29 އަހަރުގެ ޔާމީން ރަޝީދް އަނިޔާވެރި، ލާއިންސާނީ ގޮތަކަށް ވަޅި ހަރައި މަރާލުން އައްޑޫ ސިޓީގެ މޭޔާ، އަބްދުﷲ ސޯދިގް ކުށްވެރިކޮށްފި އެވެ.
ސޯބެ ކުރި ޓުވީޓެއްގައި ބުނެފައިވަނީ ޖެހިލުންކުޑަ ޒުވާން ބްލޮގަ ވަރަށް އަނިޔާވެރިކޮށް މަރާލުން އައްޑޫ އެންމެން ކުށްވެރި ކުރާ ކަމަށާއި އިންސާފުވެރި ތަހުގީގެއް ހިންގަން ޖެހޭ ކަމަށެވެ.
Varah aniyaaverikoh jehilun kuda zuvaan blogger Yaamym maraalun alhugandumen Addu enmen kuhveri kuran. Insaaf hoadhai dhinumah govaalan
— Abdulla Sodiq(Sobe') (@SobeAbdulla) April 23, 2017
ފުލުހުން ވަނީ ޔާމީންގެ ތަހުގީގު ފަށާފައިވާ ކަމަށް ނެރުނު ނޫސް ބަޔާނެއްގައި ބުނެފަ އެވެ.
އަދި ތަހުގީގަށް ޚާއްސަ ޓީމެއް އެކުލަވާލެވިފައިވާ ކަމަށާއި ތަހުގީގުގެ މަސައްކަތް ކުރިއަށްދާ ކަމަށްވެސް ފުލުހުން ހާމަކޮށްފައިވެއެވެ.
ފުލުހުން ވަނީ ނަގަން ޖެހޭ މައުލޫމާތު ނެގުމަށްފަހު ޔާމީންގެ ހަށިގަނޑު އާއިލާއާއި ހަވާލުކޮށްފައެވެ.