ލ. އިސްދޫގައި ސައިކަލެއް ކަހާލައިގެން ވެއްޓި ހިނގި އެކްސިޑެންޓެއްގައި ޒުވާނަކު މަރުވެއްޖެއެވެ.
މައުލޫމާތު ލިބިފައިވާ ގޮތުގައި އެކްސިޑެންޓް ހިނގާފައިވަނީ ކަލައިދޫން އިސްދޫައަށް ދާން އޮންނަ ބޮޑުމަގުން ސައިކަލް ކަހާލައިގެން ވެއްޓިއެވެ.
މިހާދިސާގައި ނިޔާވެފައިވަނީ 27 އަހަރުގެ މުހައްމަދު ޔޫސުފް ނަމަކަށް ކިޔާ ޒުވާނެކެވެ. އޭނާ ސައިކަލުން ވެއްޓުނު ސަރަހައްދުގައި ގިނަ އަދަދަކަށް ލޭ ހުރިކަމަށް މައުލޫމާތުލިބެއެވެ.
އެރަށުން ވާހަކަ ދެއްކި މީހަކު ބުނީ މުހައްމަދު ޔޫސުފް މަރުވީ ހޮސްޕިޓަލަށް ގެންގޮސް ފަރުވާ ދެމުންދަނިކޮށް ކަމަށެވެ.
މި އެކްސިޑެންޓް ހިނގާފައިވަނީ ހޮނިހިރު ދުވަހުގެ ރޭ 22:00 ހާއިރުއެވެ.