ލޯކަލް ކައުންސިލް އިންތިހާބުގެ ވޯޓުގެ ނަތީޖާއިން ހާމަވެގެން ދިޔައީ ރައީސް ޔާމިނަށް ވެރިކަމުގެ ވަގުތު ކުޑަތަންވަމުންދާ މިންވަރު ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރައީސް ނަޝީދު މިހެން ވިދާޅުވީ ލޯކަލް ކައުންސިލްތަކުގެ އިންތިހާބު އިދިކޮޅު ފަރާތްތަކުން ކާމިޔާބު ކުރުމާއި ގުޅިގެން ކުރެއްވި ޓްވީޓެއްގަ އެވެ.
" އިންތިހާބުގެ ނަތީޖާއިން ދެއްކީ ރައީސް ޔާމިން ވެރިކަމުގައި ހުންނެވުމުގެ ވަގުތު ކުޑަތަން ވަމުންދާތަން. އެއިން ފެނިގެންދަނީ ރާއްޖޭގެ ޑިމޮކްރަސީ އިއާދަ ކުރެވޭ މަންޒަރު."
Congrats MDP & opposition alliance candidates.This landslide win shows President Yameen's days are numbered, and democracy will be restored.
— Mohamed Nasheed (@MohamedNasheed) May 7, 2017
އިއްޔެގެ އިންތިހާބުގައި އިދިކޮޅު ކެންޑިޑޭޓުން ވަނީ ރާއްޖޭގެ އާބާދީ އެންމެ ބޮޑު ހިސާބުތަކުންނާއި ސިޓީ ކައުންސިލުތަށް ވެސް ހިމަނައިގެން ކައުންސިލްތަކުގެ މެޖޯރިޓީ ނަގާފަ އެވެ.
މާލޭ ސިޓީގެ އެންމެ ގޮނޑިއެއް ފިޔަވާ ހުރިހާ ގޮނޑިތަކާއި އައްޑޫ ސިޓިގެ ހުރިހާ ގޮނޑިއެއް ކާމިޔާބު ކުރީ ވެސް އިދިކޮޅު ކެންޑިޑޭޓުންނެވެ.