ވޯޓު ނަތީޖާ ޔަގީން ކުރުމަށް ކަމަށް ބުނެ 24 ދާއިރާއެއްގެ ވޯޓު އަލުން ގުނުމަށް އިލެކްޝަންސް ކޮމިޝަނުން ނިންމައިފިއެވެ.
ވޯޓުގައި މައްސަލަ ޖެހި ނަތީޖާ އޮޅޭ ގޮތް ވެފައިވާ 24 ވޯޓު ޝީޓު އެބައުޅޭ ކަމަށާއި ޔަގީން ކުރުމަށް ވޯޓު ފޮށި ކަނޑައި ވޯޓު ގުނުމުގެ މަސައްކަތް މިއަދު ކުރާނެ ކަމަށް އިލެކްޝަންސް ކޮމިޝަނުން ބުނެފައިވެއެވެ.
އަލުން ގުނާއިރުގައިވެސް ގުނާނީ ދާއިރާތަކަށް ވާދަކުރި ކެންޑިޑޭޓުން ނުވަތަ ކެންޑިޑޭޓުންގެ މަންދޫބުން ހާޒިރުގައި ކަމަށް އިލެކްޝަންސް ކޮމިޝަނުން ބުނެފައިވެއެވެ.
ލޯކަލް ކައުންސިލް އިންތިޚާބުގެ ވަގުތީ ނަތީޖާތައް ދައްކާގޮތުން ގިނަ ގޮނޑިތައް ކާމިޔާބުކޮށްފައިވަނީ އިދިކޮޅު އެމްޑީޕީއިންނެވެ.