ރައީސް ޔާމީނަކީ 2013 ވަނަ އަހަރު ރައްޔިތުން ވޯޓު ދިން ރައީސް ކަމަށާއި އިދިކޮޅު އިއްތިހާދުގައި ތިބީ 2008 ވަނަ އަހަރާއި 2013 ވަނަ އަހަރު ރައްޔިތުން ނޫނެކޭ ބުނެފަ ތިބި ލީޑަރުން ކަމަށް ޕީޕީއެމްގެ ނައިބު ލީޑަރު އަބްދުއްރަހީމް އަބްދުﷲ ވިދާޅުވެއްޖެ އެވެ.
އަދުރޭ ކުރެއްވި ޓުވީޓެއްގައި އިދިކޮޅު ފަރާތްތަކަށް ފާޑުވިދާޅުވަމުން ބުނެފައިވަނީ އިދިކޮޅު ސަފުގެ ކުރީގައި ތިބީ ރައްޔިތުން "ނޫނެކޭ" ބުނެފައި ތިބި ލީޑަރުން ކަމަށެވެ.
2013 ga RY ah Rayyithun bunee Aa'ekey! In'dhi kolhuga thibee 2008 adhi 2013 ga Rayyithun noonekey bunefa thi leaderun. Mee hageegaiy dhotha?
— Abdul Raheem Abdulla (@Banafsaa) May 13, 2017
ނަމަވެސް 2013 ވަނަ އަހަރު ރައީސް ޔާމީން ވެރިކަމަށް ގެނައުމަށް ބުރަކޮށް މަސައްކަތް ކުރެއްވި އެމަނިކުފާނުގެ ބޭބޭފުޅާއި ޖުމުހޫރީ ޕާޓީގެ ލީޑަރު ގާސިމް އިބްރާހިމް ތިބީ އިދިކޮޅު އިއްތިހާދުގެ ކުރީ ސަފުގައެވެ.
އަދި ރައީސް ޔާމީނުގެ ރަނިންމޭޓުގެ ގޮތުގައި އެންމެ ބުރަކޮށް މަސައްކަތް ކުރި މިސަރުކާރުގެ ފުރަތަމަ ނައިބު ރައީސް ޑރ. ޖަމީލާއި އަދާލަތު ޕާޓީގެ ރައީސް ޝެއިޚް އިމްރާނުގެ އިތުރުން ކުރީގެ ޑިފެންސް މިނިސްޓަރު ކާނަލް ނާޒިމް ވަނީ މިސަރުކާރު ގެނައުމަށް ބުރަކޮށް މަސައްކަތް ކޮށްފައެވެ.