ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހުސެން މުހައްމަދު ފުލުސް އޮފީހަށް މިރޭ 20:00 ހާޒިރުވުމަށް އަންގައި ޗިޓު ފޮނުވައިފިއެވެ.
ފުލުހުން މެމްބަރު ހުސެން ހާޒިރު ވުމަށް އަންގާފައިވަނީ ފުލުހުން ތަހުގީގު ކުރަމުން އަންނަ މައްސަލައަކާއި ގުޅިގެންނެވެ. ނަމަވެސް އެއީ ކޮން މައްސަލައެއް ކަމެއް މިހާތަނަށް އެނގިފައެއް ނުވެއެވެ.
މެމްބަރު ހުސެން މުހައްމަދަކީ ފަހަކަށް އައިސް ސަރުކާރުގެ ސިޔާސަތުތަކަށް ފާޑުކިޔާ މެމްބަރެއް ކަން ފާހަގަ ކޮށްލެވެއެވެ. އަދި އެކިއެކި މައްސަލަތަކުގައި ފަހަކަށް އައިސް އިދިކޮޅު ބައެއް މެމްބަރުން ފުލުހަށް ހާޒިރުކުރާ ތަން އަންނަނީ ފެންނަމުންނެވެ.
އެގޮުން ޖުމުހޫރީ ޕާޓީގެ ލީޑަރު ގާސިމް އިބްރާހިމް ވަނީ ދެފަހަރެއްގެ މަތިން ހައްޔަރުކޮށް ތިން ދައުވާޢެއް އުފުލާފައެވެ. ނަމަވެސް މިހާރު ހެކި ނެތިގެން ދައުވާ އަނބުރާ ވަނީ ނަގާފައެވެ.