ހޯމަ ދުވަހުގެ ރޭ އިނގިރޭސިވިލާތުގެ މެންޗެސްޓާގެ އެރީނާގައި ޖާނުން ފިދާވެގެން ދިން ހަމަލާ އާއި ގުޅިގެން 23 އަހަރުގެ ޒުވާނަކު ހައްޔަރުކޮށްފައިވާ ކަމަށް މަންޗެސްޓާހެ ފުލުހުން ބުނެފި އެވެ.
ފުލުހުން ބުނީ މި ހާދިސާއާ ގުޅިގެން މީހަކު ހައްޔަރުކޮށްފައިވާ ކަމަށާއި އިތުރު ބަޔަކު މިކަމުގައި ގުޅުމެއްވޭތޯ ބަލަމުން އަންނަ ކަމަށެވެ.
With regards to last night’s incident at the Manchester arena, we can confirm we have arrested a 23-year-old man in South Manchester.
— G M Police (@gmpolice) May 23, 2017
ހޯމަ ދުވަހުގެ ރޭ މަންޗެސްޓަރ އެރިނާގައި ބޭއްވި ޝޯވްއަށް ފަހު ދިން ޖާނުން ފިދާވުމުގެ ހަމަލާގައި މިހާތަނަށް 22 މީހަކު މަރުވެ 59 މީހަކަށް ވަނީ އެކި ވަރުގެ ޒަހަމްތަކެއްވެފަ އެވެ.
މި ހާދިސާއާ ގުޅިގެން އިނގިރޭސި ބޮޑު ވަޒީރު ތެރީސާ މޭ ވިދާޅުވީ މި ހަމާލެ އަޑީގައި ތިބި ބަޔަކު ހޯދާނެ ކަމަށެވެ. އަދި އެކަމުގައި މެންޗެސްޓަ ފުލުހުން ކުރިއެރުން ހޯދާނެ ކަމަށް މޭ ވިދާޅުވި އެވެ.