އައްޑޫގައި ސީޓީ ސްކޭން ހެދޭނެ ވަރު ނެތީސް މާލޭގައި ޖަނަވާރުންގެ ކްލިނިކެއް ހަދަން ނިންމާފައިވާތީ އެކަމާ ހިތަދޫ ދެކުނު ދާއިރާގެ މަޖިލިސް މެންބަރު އަލީ ނިޒާރު ކަންބޮޑުވުންފާޅު ކުރައްވައިފި އެވެ.
ނިޒާރު ކުރެއްވި ޓްވީޓެއްގައި ވިދާޅުވެފައި ވަނީ، 2 ވަނަ އަށް އެންމެ އާބާދީ ބޮޑު އައްޑޫގައި ސީޓީ ސްކޭން ހެދޭނެ ގޮތް ނެތީސް މާލޭގައި ޖަނަވާރުންގެ ކްލިނިކެއް ހަދަން އުޅުމަކީ، "ތަރައްގީ ފުރަގަހުން ނިކުތީމާ ވާގޮތެއް" ކަމަށެވެ.
2 Vana Aabaadhee Addu gai CT Scan hedheyne varu nethees Male gai Janavaarun ge clinic eh. Tharaggee furagahun nikutheema vaa goi. https://t.co/ZwFplxsCxp
— Ali Nizar (@DhekunuNizar) May 28, 2017
ރާއްޖޭގައި ފުރަތަމަ ފަހަރަށް ވެޓެރިނަރީ ކްލިނިކެއް ގާއިމް ކުރުމަށް މިނިސްޓްރީ އޮފް ފިޝަރީޒް އެންޑް އެގްރިކަލްޗަރ އިން ނިންމާފައި ވާއިރު މިއީ ރާއްޖޭގައި އެފަދަ ކްލިނިކެއް ގާއިމް ކުރާ ފުރަތަމަ ފަހަރެވެ.
މި ކްލިނިކް ގާއިމްކުރުމަށް ހަމަޖެހިފައިވަނީ، ވިލިމާލޭގައެވެ.
ވެޓެރިނަރީ ކްލިނިކެއް ގާއިމް ކުރަނީ ރާއްޖޭގައި އޮޅުކޮށްގެން ޖަނަވާރު ގެންގުޅުމަކީ ގިނަ ބަޔަކު ކުރަމުންދާ ކަމަށްވާއިރު، އެފަދަ ޖަނަވާރަށް ކުރިމަތިވާ ސިއްހީ މައްސަލަތަކަށް ފަރުވާ ދެވޭ ގޮތް ހެދުމަކީ އެކަން ކުރިއަރުވަން ދެވޭ ހިތްވަރެއް ކަމަށް މިނިސްޓްރީ އިން ވަނީ ބުނެފައެވެ.