ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފް 11 މަހުގެ ޖަލު ހުކުމަކަށް ފަހު މިނިވަންވެއްޖެއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި މަހްލޫފުގެ ޖަލު ހުކުމް ތަންފީޒުކޮށް ނިމިފައިވަނީ ރޭ ދަންވަރު 12:00 އާ ހަމައަށެވެ. އަދި އޭނާ ޖަލުން ދޫކޮށްފައި ވަނީ މިއަދު ހެނދުނު އެވެ.
މަހްލޫފްގެ އަނބިކަނބަލުން ނަޒްރާ ނަސީމް ކުރެއްވި ޓްވީޓެއްގައި ވިދާޅުވެފައިވާ ގޮތުން މަހްލޫފް ގެއަށް ވަޑައިގެންފައިވަނީ މިއަދު ހެނދުނު 8:30 ގައެވެ.
މަހްލޫފު މިނިވަންވުމުގެ އުފަލުގައި ޚާއްސަ ޖަލްސާއެއް އެމްޑީޕީގެ ހަރުގޭގައި މިރޭ ބޭއްވުމަށް އެ ޕާޓީން ވަނީ ނިންމައިފަ އެވެ. ތަރާވީހަކާ އެކު ބާއްވާ މި ޖަލްސާގައި މަހްލޫފު ބައިވެރިވެވަޑައިގެން ވާހަކަ ދައްކަވާނެ އެވެ.